Ministria e Punëve të Brendshme, bën hapjen e konferencës KosovaPar2023. Marrin pjesë: kryeministri Albin Kurti, ministri i Punëve të Brendshme, Xhelal Sveçla, dhe ambasadori i Gjermanisë, Jörn Rohde. (Biblioteka Universitare, ora 8:30).

Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Kosovës për 2024, për fushat që janë në fushëveprim të Komisionit. (Kuvendi i Kosovë, salla N-506, ora 09:00).

Misioni i OSBE-së dhe Këshilli i Evropës mbajnë tryezë mbi përforcimin e rolit të Kuvendit në monitorimin e zbatimit të “Konventës së Stambollit” në Kosovë. Merr pjesë Albulena Haxhiu, ministre e Drejtësisë etj. (Hotel “Swiss Diamond”, ora 09:30).

Mbahet takimi i Komisionit Rregullativ për Prokurim Publik në bashkëpunim me Projektin e financuar nga BE-ja “Asistenca Teknike e BE-së për Mbështetjen e Zbatimit të Reformave të Menaxhimit të Financave Publike në Kosovë” dhe SIGMA/OECD. (Hotel “Emerald”, Prishtinë, ora 09:30).

Demokraci Plus mban konferencë për medie ku do të publikojmë analizën e shkurtër në lidhje me procedurën e shkarkimit të anëtarëve të agjencive të pavarura. (Zyra e D+, Prishtinë, ora 10:00).

Mbahet konferenca e dytë e Komitetit Nacional “CIGRE Kosovë”, në të cilën marrin pjesë mbi 200 pjesëmarrës të regjistruar të sektorit të energjisë, që vijnë kryesisht nga Kosova, Shqipëria, Maqedonia e Veriut, Kroacia, dhe vende tjera. (Hotel “Emerald”, Prishtinë, ora 10:00).

SOS Fshatrat e Fëmijëve Kosovë në kuadër të javës për të drejtat dhe mbrojtjen e fëmijëve: “Bashkë Rritemi”, mbajnë konferencën dhe ceremoninë e certifikimit të programit për prindër. (Hotel “Sirius”, Prishtinë, ora 10:00).

Komisioni për Mbikëqyrjen e Agjencisë së Kosovës për Inteligjencë -opinion rreth propozim-buxhetit të detajuar të Agjencisë së Kosovës për Inteligjencë për 2024. (Kuvendi i Kosovës, salla N-302, ora 10:00).

Komisioni për Buxhet, Punë dhe Transfere shqyrton raportin vjetor të Bankës Qendrore të Kosovës për 2022. (Kuvendi i Kosovës, salla C-203, ora 11:00).

Ministria e Arsimit, Shkencës, Teknologjisë dhe Inovacionit organizon tryezën e diskutimit mbi Edukimin në Fëmijërinë e Hershme. (Hotel “Swiss Diamond”, Prishtinë, ora 11:00).

Ministria e Ekonomisë lanson subvencionin për pajisje efiçiente për ngrohje në mbështetje të ndërmarrjeve mikro, të vogla dhe të mesme financuar nga Bashkimi Evropian (BE). Flasin Albin Kurti kryeministri i Kosovës, Artane Rizvanolli, ministre e Ekonomisë, Rozeta Hajdari, ministre e Industrisë dhe Alessandro Bianciardi, Zyra e Bashkimit Evropian në Kosovë. (“Tech Park Prishtina” Bërnicë – Prishtinë, ora 13:00)

Dega e Lidhjes Demokratike të Kosovës në Prizren mban konferencë për media. (Selia e LDK-së Prizren, rruga “Ibrahim Rugova”, ora 13:00)

BKT Kosova Nënshkruan Parimet për Fuqizim të Grave (WEPs)

Sponsoruar