Lajme

Krasniqi: Kjo çfarë po bën Kurti është ‘Super – Zajednicë’

Autori: Gazeta inFokus 21:33 | 14 November 2023

Kryetari i Partisë Demokratike të Kosovës, Memli Krasniqi ka thënë se është hera e parë që ka draft të tillë të Asociacionit.

“Kurrë Kosova dhe Serbia nuk kanë nënshkruar marrëveshje, ka pasur inicializim por jo nënshkrim. Ai mundet sot me inicializu në Bruksel marrëveshje. Këto janë të pavërtetat e Kurtit”, tha Krasniqi.

Krasniqi tutje ka thënë se asociacioni që ka pasur për t’u krijuar në të kaluarën ka qenë komplet pa kompetenca ekzekutive në asnjë rrethanë.

-Advertisement-

“Në momentin që është bërë Kurti, kryeministër qasja e tij ndaj dialogut dhe partnerëve ndërkombëtar ka pasur reperkusione dhe ne i kemi thanë në vazhdimësi”, tha Krasniqi në emisionin “Politiko”.

Sipas tij pas shumë mashtrimeve, prej qëllimit madhor por me arrit një marrëveshje finale të përqendruar në njohje të ndërsjellë, në Bruksel morëm përsëri marrëveshje të përkohshme të përqendruar në asociacion, në autonomi.

“Ky draft i Asociacionit është pa njohje, kjo është super Zajednicë. Ky tekst nuk jam i sigurt që e kalon testin e kushtetutshmërisë”, tha Krasniqi.

 

 

 

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme