Lajme

LVV bojkoton seancën e veçantë të opozitës, Tahiri: Nuk është koha për beteja politike

Autori: Gazeta inFokus 12:17 | 27 October 2023

Deputetët e Lëvizjes Vetëvendosje kanë bojkotuar seancën e veçantë ku në rend dite ishte miratimi i Deklaratës në mbështetje të Rezolutës së Parlamentit Evropian, e datës 19 tetor 2023, mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës.

Shefi i GP të AAK-së, Besnik Tahiri ka thënë se deputetët e LVV-së e kanë bojkotuar seancën.

“Nuk është koha për beteja politike. Qëllimi është që si Kuvend të bëjmë një veprim duke shprehur falënderim në raport me rezolutën e Parlamentit Evropian. E shoh si veprim të papërgjegjshëm, si pamaturi”, tha ai.

-Advertisement-

Tutje, ai deklaroi se LVV ka frikë të përballet me Kuvend.

“Nuk e di pse nuk janë këtu, e çka po i frikëson mos me qenë në Kuvend”, tha ai.

Seanca ka përfunduar pas deklarimit të disa deputetëve të opozitës.

Telegrafi ka tentuar të marrë një përgjigje nga LVV se pse është bojkotuar seanca, por deri tani nuk ka pranuar ndonjë përgjigje.

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme