Lajme

Guvernatorja e Meinit: 18 të vrarë nga sulmi masiv, i dyshuari në arrati

Autori: Gazeta inFokus 17:16 | 26 October 2023

Guvernatorja e Meinit në Shtetet e Bashkuara, Janet Mills, ka thënë se 18 persona janë vrarë dhe 13 janë plagosur, si pasojë e sulmeve me armë zjarri në mesnatën e së enjtes.

Një burrë ka shtënë me armë zjarri dhe i ka vrarë viktimat në një sallë të boullingut dhe në një restorant në Leviston, dhe më pas ka ikur.

Autoritetet kanë nisur kërkime masive për ta gjetur atë dhe u kanë kërkuar banorëve që të qëndrojnë nëpër shtëpitë e tyre.

-Advertisement-

Mills ka thënë se i dyshuari është Robert Card, i cili konsiderohet i armatosur dhe i rrezikshëm, andaj autoritetet kanë kërkuar që t’i qëndrojnë larg, nëse e shohin.

Policia e ka identifikuar Card si 40-vjeçar, person me interes për këtë sulm në Leviston.

Ai është thënë se ka qenë instruktor armësh në forcën rezervë të ushtrisë amerikane.

Sipas informacioneve të policisë, Card ka qenë i shtruar për trajtim për dy javë në një qendër të shëndetit mendor, pa dhënë hollësi për llojin e trajtimit që ka marrë.

Subscribe në YouTube: GAZETA INFOKUSI