Lajme

Rama thotë se Albin Kurtin e ka mik më shumë se Haradinajn, tregon arsyet pse

Autori: Gazeta inFokus 12:48 | 12 October 2023

Kryeministri i Shqipërisë, Edi Rama deklaroi sot në Kuvend se homologun e tij, Albin Kurtin e ka më shumë mik se kreun e AAK’së, Ramush Haradinajn.

Rama tha se nuk ka pasur asnjëherë ndonjë problem me Kurtin, por që kanë mospërputhje mendimesh, shkruan Insajderi.

“Unë Albin Kurtin e kam mik, më shumë se Haradinaj me të cilin në një segment të caktuar të këtij rrugëtimi jam gjendur në një konflikt personal, kur ai ishte kryeministër. Ndërsa me Albinin nuk kam patur kurrë asnjë problem personal, madje e kam kënaqësi të bisedoj me të, por me kryeministrin aktual kam divergjenca botëkuptimore, se si arrihet te qëllimi i përbashkët kombëtar“, ka thënë kryeministri Rama.

-Advertisement-

Tutje, Rama tha se me kryetarin e AAK’së kanë pasur krisje në raportin e tyre, derisa tregoi edhe arsyet pse ka ndodhur kjo.

“Gjithashtu fakti se me Ramushin kemi pasur krisje, nuk ka si më pengon të shpreh neverinë time më të madhe për një video propagandistike të porositur dhe të shpërndarë përmes tastierave të luftës civile dixhitale, ku Ramushi shfaqej duke trokitur gotat në një koktej me përfaqësuesit e Listës serbe.

E dini si është puna, Ramush Haradinaj siç do komandant tjetër që ka parë gjakun e vërtetë në fytyrën e shokëve të vrarë nga plumbat e Serbisë, dhe si çdo luftëtarë që ka fituar luftën me armë të vërteta, nuk ka si ta ketë problem të trokasë gotat me deputetë serbë të Kosovës në prani edhe të mediave, se mund të ishte në ambient privat dhe prap të sulmohej me këto mjete mizerabël kineze të kohës të Maoce dunit duke u future në rreth si tradhtar i kombit“, u shpreh Rama.

Subscribe në YouTube: GAZETA INFOKUSI
Etiketa:
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme