Lajme

Ushtria ruse përballet me krizë të shëndetit mendor, më shumë se 100 mijë anëtarë vuajnë nga çrregullimi i stresit post-traumatik

Autori: Gazeta inFokus 13:19 | 11 October 2023

Raporti i fundit i Ministrisë së Mbrojtjes së Britanisë së Madhe për ngjarjet në fushëbetejë në Ukrainë, tregon se ushtria ruse po përballet me një krizë të shëndetit mendor.

“Që nga dhjetori i vitit 2022, psikologët rusë kanë identifikuar rreth 100 mijë ushtarak që vuanin nga çrregullimi i stresit post-traumatik (PTSD)”, u tha ministria britanike, transmeton Telegrafi.

Ata besojnë se ky numër tani është pothuajse me siguri më i lartë sepse ushtria ruse po dështon të sigurojë rotacion dhe rimëkëmbje të mjaftueshme.

-Advertisement-

Ish gjenerali rus Ivan Popov vuri në dukje këtë problem. Ai u lirua nga detyra në korrik 2023.

“Ka indikacione shtesë që mjekët në Rusi po dërgojnë personel ushtarak që nuk është i aftë për të luftuar në front. Ankesat kundër komisioneve mjekësore ushtarake ruse janë më të larta në 2023 sesa në 2022, dhe shumë raste janë refuzuar ose pretendimet janë hedhur poshtë”, thanë britanikët.

Për këtë arsye, theksojnë britanikët, efikasiteti luftarak i Rusisë është ende nën nivelin optimal.

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme