Lajme

Polici që u plagos në veri, kryetari i Obiliqit i shkon për vizitë

Autori: Gazeta inFokus 19:58 | 25 September 2023

Kryetari i Obiliqit, Xhafer Gashi i ka shkuar në vizitë policit të Njësisë Speciale të Kosovës, Naser Qerkezit që u plagos gjatë aksionit në veri të vendit.

Gashi i dhuroi emblemën e UÇK-së dhe shqiponjën dykrenare si shenjë mirënjohjeje.

“Vizitova, Naser Qerkezin policin e njësitit special të Kosovës, i cili u plagos gjatë aksionit në veri të vendit.Mes dhimbjes së madhe për humbjen e kolegut, shpreha ngushëllimet më të sinqerta, duke theksuar se liria jonë është lartësuar me gjak dhe sot e kësaj dite trimat e heronjtë po i dalin zot vendit, duke u shëndrruar në heronjë të paqes, me këtë rast Naserit në shenjë mirënjohje i dhurova emblemën e Ushtrisë Çlirimtare të Kosovës dhe shqiponjën dykrenare.Naseri me djemtë me të mirë të këtij vendi, janë gardian të ruajtjes se paqes! Zoti i ruajtë të gjithë që ndodhen në krye të detyrës, ndërkaq Naserit shërim dhe rikthim të shpejtë në misionin për mbrojtjen e vendit!”, shkruan Gashi./Indeksonline/

-Advertisement-

Subscribe në YouTube: GAZETA INFOKUSI