Lajme

Pas PDK edhe AAK kërkon shkarkimin e Rozeta Hajdarit

Autori: Gazeta inFokus 10:57 | 18 Gusht 2023

Partitë opozitare po kërkojnë me urgjencë shkarkimin e ministres së Tregtisë dhe Industrisë Rozeta Hajdari, pas bastisjeve dhe arrestimeve që ndodhen sot nga policia e Kosovës, raporton Gazeta Blic.Shefi i GP të AAK Besnik Tahiri ka kërkuar shkarkimin e Hajdarit.

Sipas tij kjo do t`i hapte rrugë një hetimi të plotë lidhur me rezervat shtetërore.

“Arrestimet e sotme vijnë si rezultat i punës së mediave dhe policisë së Kosovës. Andaj, në funksion të mundësimit të një hetimi të plotë dhe ku Qeveria nuk shihet si pengesë, po sot do të duhej të kishim shkarkim të ministres, Hajdari”, ka shkruar ai ndër të tjera.

-Advertisement-

Reagimi i plotë:Arrestimet e sotme vijnë si rezultat i punës së mediave dhe policisë së Kosovës. Andaj, në funksion të mundësimit të një hetimi të plotë dhe ku Qeveria nuk shihet si pengesë, po sot do të duhej të kishim shkarkim të ministres, Hajdari. Fundja, i gjithë ky rast i abuzimit me mjete shtetërore dhe me ligjin, asocohet me emrin dhe nënshkrimin e saj, përderisa sekseri për këtë skandal korruptiv u lidh drejtpërdrejt me emrin e kryeministrit Kurtit.