Lajme

Lushaku e LDK-së: Mehaj ka shikuar si spektator teksa Kurti e acaronte gjuhën ndaj KFOR-it

Autori: Gazeta inFokus 16:06 | 08 August 2023

Anëtarja e Kryesisë së LDK-së, Jehona Lushaku-Sadriu, ka reaguar pas dorëheqjes së Armend Mehajt nga posti i ministrit të Mbrojtjes.

Ajo ka thënë se Mehaj ishte spektator “teksa kryeministri blente dronë që as në Kosovë s’mund t’i lëshonte”.

“Ka shikuar si spektator, ministri i ardhur nga mërgata Mehaj, teksa kryeministri blente dronë që as në Kosovë s’mund t’i lëshonte; teksa kryeministri acaronte gjuhën ndaj KFOR-it; teksa i anulohej pjesëmarrja e ushtrisë sonë në Defender 23; teksa për punët në ministri pytej zëvendësministri. E për një të ulur në parada ushtarake, më mirë të dorëhiqesh. Klima albiniane e padurueshme edhe për ministrat. Por, jo për ata që i shërbejnë kontratave njëburimore, shpenzojnë rezervat e shtetit pa procedurë e ambasadorëve skandalozë-milionerë. Jo vetëm dorëheqje, përgjegjësi!”, ka shkruar ajo.

-Advertisement-

Ish-ministri Mehaj gjatë ditës së sotme bëri të ditur se ka ofruar dorëheqjen nga ky post. Mehaj tha se këtë vendim e ka marrë për shkaqe familjar.

Ai do të zëvendësohet nga koloneli i Forcës së Sigurisë së Kosovës, Ejup Maqedonci.

Subscribe në YouTube: GAZETA INFOKUSI
Etiketa:
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

lajme