Lajçaku i kundërpërgjigjet Gërvallës për “sulmet” që kjo i bëri ndaj BE-së
Autori: Gazeta inFokus 21:34 | 08 July 2023
Emisari i BE-së për dialogun Kosovë-Serbi, Miroslav Lajçak, pjesë e panelit “Ballkani Perëndimor: Një momentum i ri euro-atlantik” në Forumin e Dubrovnikut, i është kundërpërgjigjur kryediplomates kosovare, Donika Gërvalla.
Gërvalla e quajti BE-në “tigër letre”, pa unitet, pa storie suksesi, e shumëçka tjetër.
Ndërkaq, Lajçak tha se “BE-ja është larg së qeni perfekt, por është më i miri që kemi”.
“Është unioni më i suksesshëm i shteteve. Nuk ka union shtetesh në këtë planetë që ka sjellë stabilitet më të madh politik, prosperitet ekonomik dhe respektim të të drejtave… Ende mendoj se bashkimi me BE-në është realizim i ëndrrave të vendeve që po trokasin në dyert e BE-së”, deklaroi Lajçaku.
Ai tha se pse shtetet e Ballkanit Perëndimor, përpos Kroacisë, nuk po arrijnë të bëhen pjesë e BE-së, është për shkak të rezultateve të dobëta nga ta.
“Ballkani Perëndimor ka premtim për t’u anëtarësuar në BE tash e 20 vjet. Rezultatet janë larg ideales. Në këto 20 vjet, vetëm Kroacia ka arritur t’i bashkohet BE-së. Procesi i zgjerimit e ka humbur dinamikën dhe energjinë, dhe është e qartë se diçka duhet bërë. Ironikisht, lufta e agresionit të Rusisë në Ukrainë solli një efekt pozitiv dhe kjo është kuptimi nga ana e BE-së se në Ballkanin Perëndimor kemi punë të papërfunduara dhe duhet të jemi seriozë dhe zgjerimi është kthyer në qendër të vëmendjes. Dhe BE-ja e di që pa anëtarësimin e plotë të partnerëve tanë të BP-së, Evropa s’do të jetë e plotë, nuk do të jetë e lirë dhe nuk do të jetë lojtar global që synojmë të jemi”, tha Lajçaku, teksa shtoi: “Dritarja e mundësisë është e hapur për këto vende, dhe duhet ta shfrytëzojnë, sepse ajo s’rri e hapur përgjithmonë”.
Në ndërkohë, ai foli pashmangshëm edhe për raportet Kosovë-Serbi, dhe për punën e BE-së drejt normalizimit.
Emisari i BE-së tha se duhet zbatuar marrëveshjes mes dy vendeve.
“Rajoni ende po përballet me disa sfida, nevoja për normalizim mes Kosovës dhe Serbisë është një nga to dhe për mua është strategjike sepse ka ndikim në çdo vend në rajon dhe në bashkëpunimin rajonal, dhe për këtë e kemi dialogun, për këtë arsye BE-ja e ka marrë përgjegjësinë për të lehtësuar dialogun. Vetëm këtë vit, në shkurt dhe mars, arritëm dy rezultate të mëdha në rrugën drejt normalizimit mes Kosovës dhe Serbisë. Kjo na jep neve një platformë krejt të re dhe një rrugë të qartë drejt normalizimit”.
“Po thosha pas marsit se këto marrëveshje po krijojnë dy marrëdhënie ligjore dhe kontraktuale: njëra mes Kosovës e Serbisë, dhe tjetra mes tyre dhe BE-së sepse përkushtimet nga marrëveshjet bëhen pjesë e rrugës evropiane të Kosovës dhe të Serbisë. Por paralajmërova po ashtu se gjatë rrugës, shoh disa mina rrugore dhe ka rrezik që mund t’i shkelim dhe të devijojmë rrugën. Fatkeqësisht kjo ka ndodhur, me zgjedhjet lokale të cilat e dimë, së pari bojkoti nga serbët, pastaj patëm një proces të rregullt zgjedhor por dalja shumë e ulët, dhe pastaj pati përpjekje për t’i dërguar kryetarët në ndërtesat komunale, reagimet negative nga popullata lokale, pamje tragjike, dramatike dhe të papranueshme të serbëve që sulmojnë dhe lëndojnë ushtarët e NATO-s dhe më pas më 3 qershor, 27 shtete anëtare të BE-së miratuan një deklaratë me tri elemente kyçe: deeskalim, zgjedhje të parakohshme me pjesëmarrjen e serbëve dhe kthimin në normalitet. Dhe krejt çka po bëjmë që nga qershori është zbatimi i kësaj marrëveshjeje, dhe po, është një përpjetzë, por po vazhdojmë të punojmë drejt kësaj sepse mendoj se s’ka alternativë dhe më e rëndësishmja, e dimë ku duam të shkojmë, e kemi platformën e marrëveshjen, dhe më së miri do të ishte ta zbatojmë atë”, deklaroi Lajçaku.
Të tjera
-
“Ëndërrat e tij u ndalën në gjysmë”, Drejtoresha e Arsimit në Malishevë me telegram ngushëllimi për 12 vjeçarin që vdiq sot
Drejtoresha e Arsimit në komunën e Malishevës i ka dërguar telegram ngushëlli...
-
Osmani takohet me Hovenierin, thotë se po bëhen përpjekje për intensifikimin e raporteve Kosovë-SHBA
Presidentja e Kosovës, Vjosa Osmani ka pritur dje në takim të rregullt ambasa...
-
Ish e dashura e Haxhi Shalës fejohet me ish bashkëpartiakun e tij Bekim Brestovcin
Këngëtarja Angjelina Shala është fejuar me drejtorin e Shërbimeve Publike në ...
-
Rama tregon projektet që përfshihen në buxhetin për vitin 2025, i cilëson si më madhoret në historinë e kryeqytetit
Kryetari i Komunës së Prishtinës, Përparim Rama, ka thënë se buxheti i Komunë...
-
A e goditi presidentja Osmani, Edita Tahirin me deklaratën për Urën e Ibrit?
Presidentja e vendit Vjosa Osmani, ka kundërshtuar përfshirjen e Urës së Ibri...
-
E dhimbshme: Ky është 55 vjeçari që vdiq në aksidentin në fshatin Doberllukë të Vushtrrisë
Gjatë mëngjesit të sotëm ndodhi një aksident i rëndë mes një kamioni dhe një ...
-
PSD me aksion nesër pranë urës së Ibrit
Partia Socialdemokrate ka njoftuar se do të mbajë nesër një aksion afër u...
-
Hungaria s’e mbështet anëtarësimin e Kosovës në KiE, nuk i kontribuon dialogut Kosovë-Serbi
“Hungaria nuk do ta mbështesë anëtarësimin e Kosovës në Këshillin e Evropës”....
-
KQZ vendos për logon e re të institucionit
Komisioni Qendror i Zgjedhjeve ka vendosur të mërkurën për logon e re të inst...
-
GAP: Kosova vazhdon të jetë shteti me raportin më të pabarabartë import-eksport
Instituti GAP, ka vlerësuar se Kosova vazhdon të jetë shteti me raportin më t...
-
Liberalizim për poseduesit e pasaportave ilegale serbe në Kosovë, vendimi firmoset në Strasburg
Kryetarja e Parlamentit Evropian, Roberta Metzola dhe përfaqësuesja e Hungari...
-
Deputetët gjermanë në Kosovë, takojnë ministrin Murati
Një grup i deputetëve gjermanë nga Komisioni për Punë dhe Çështje Sociale, po...