Lajme

Moti i ligë në Prishtinë, Përparim Rama del me apel për qytetarët

Autori: Gazeta inFokus 16:30 | 01 July 2023

Kryetari i Prishtinës, Përparim Rama, ka dalë me një apel për qytetarët e Prishtinës pasi kryeqyteti pasditen e sotme është përfshirë nga moti i ligë.

Shiu i rrëmbyeshëm dhe erëra të forta kanë bërë që në shumë rrugë të kryeqytetit të vështirësohet qarkullimi, si pasojë e ujit të grumbulluar. Ndërsa, erërat kanë rrëzuar edhe disa drunj në qytet.

Era e fortë ka rrëzuar edhe kulmin e një objekti në Bregu i Diellit.

-Advertisement-

Si pasojë e situatës së krijuar ka reaguar kryetari i Prishtinës i cili ka apeluar te qytetarët që të reduktojnë lëvizjet.

“Ju bëj thirrje qytetarëve të kenë kujdes të shtuar gjatë lëvizjeve me automjete, dhe të mos dalin nëse nuk është e domosdoshme, për shkak të kushteve atmosferike”, ka shkruar Rama në një postim në Facebook.

Subscribe në YouTube: GAZETA INFOKUSI