Lajme

Haxhiu: 20 mijë dhunime seksuale gjatë luftës, nuk falen e as nuk harrohen – Serbia të dorëzoj kriminelët

Autori: Gazeta inFokus 14:50 | 19 June 2023

Ministrja e Drejtësisë, Albulena Haxhiu ka thënë se bota duhet të flas më shumë për dhunimet që u janë shkaktuar popullatës civile gjatë luftës në Kosovë.

Në Ditën Ndërkombëtare të Eliminimit të Dhunës Seksuale në Konflikt, Haxhiu tha se gjithashtu duhet zëshëm t’i kërkohet Serbisë që të dorëzojë kriminelët e luftës.

“Në Ditën Ndërkombëtare të Eliminimit të Dhunës Seksuale në Konflikt, bota duhet të flas edhe më shumë për dhunimet që u shkaktuan ndaj popullsisë civile gjatë luftës në Kosovë, e madje zëshëm duhet t’i kërkohet Serbisë t’i dorëzojë kriminelët e luftës që po mbahen në Serbi”, ka shkruar Haxhiu në Facebook.

-Advertisement-

Ministrja ka shtuar se Serbia është adresa ku duhet drejtuar thirrja për drejtësi, nga bota demokratike që ka për bazë lirinë dhe të drejtat e njeriut.

“Rreth 20 mijë dhunime seksuale gjatë luftës nuk mund të harrohen e as të falen. Do të punojmë çdo ditë që kriminelët të dalin para drejtësisë!”, ka shkruar ajo.

Subscribe në YouTube: GAZETA INFOKUSI