Takimi Biden-Stoltenberg në Shtëpinë e Bardhë, për çka folën?
![](https://gazetainfokus.com/wp-content/uploads/2023/06/3000-852x460.webp)
Autori: Gazeta inFokus
11:49 | 14 June 2023
Sekretari i Përgjithshëm i NATO-s, Jens Stoltenberg i tha Presidentit Joe Biden gjatë një takimi në Shtëpinë e Bardhë të martën se ukrainasit po bëjnë përparime në ofensivën e tyre. Zoti Stoltenberg tha se kjo mund të forcojë pozicionin e Ukrainës kur të shfaqet mundësia diplomatike për t’i dhënë fund luftës me Rusinë.
“Mbështetja për Ukrainën, që ne po ofrojmë së bashku, tani po bën një ndryshim në fushën e betejës ndërsa flasim”, tha zoti Stoltenberg. “Sepse ofensiva ka nisur dhe ukrainasit po bëjnë përparime”.
Ai shtoi se , “Është ende herët, por ajo që ne dimë është se sa më shumë territore që mund të çlirojnë ukrainasit, aq më të fortë do të jenë në tryezën e negociatave”.
Presidenti Biden tha se NATO-ja është bërë më e bashkuar gjatë luftës në Ukrainë, duke theksuar synimet për ta çuar më tej këtë vrull gjatë takimit vjetor të aleancës në Vilnius të Lituanisë më 11 dhe 12 korrik.
Ky është takimi i katërt në Shtëpinë e Bardhë mes dy udhëheqësve. Takimi i së martës vjen në një moment rreziku dhe pasigurie të veçantë për aleancën ushtarake prej 31 anëtarësh.
Ukraina, e furnizuar me armë perëndimore, po ndërmerr një ofensivë jetike kundër agresorit rus, çka mund të ndryshojë ndjeshëm rrjedhën e luftës që filloi gati një vit e gjysmë më parë. NATO-ja dëshiron ta vazhdojë mbështetjen ndaj Kievit duke shmangur mundësinë e një konflikti të drejtpërdrejtë me Moskën.
Presidenti rus Vladimir Putin pretendon se Ukraina po humbet territore, tanke dhe mjete të blinduara.
Ndërkohë, ende nuk ka dalë në dritë një konsensus se kush do të jetë udhëheqësi i ardhshëm i NATO-s. Zoti Stoltenberg, ish-kryeministër i Norvegjisë, planifikon të largohet nga posti i sekretarit të përgjithshëm në fund të shtatorit. Ai e mban këtë post që nga viti 2014.
Javën e kaluar, Kryeministri britanik Rishi Sunak bëri kërkesë që Ministri i Mbrojtjes i Mbretërisë së Bashkuar Ben Wallace ta zëvendësojë zotin Stoltenberg. Presidenti Biden u takua gjithashtu me Kryeministren daneze Mette Frederiksen, një tjetër pretendente e mundshme.
Finlanda u bë anëtare e NATO-s pas agresionit rus në Ukrainë, ndërkohë që aspiratat e Suedisë janë bllokuar nga Turqia dhe një tjetër vend i aleancës.
Megjithatë, Presidenti Biden ka shprehur besimin se çështja do të zgjidhet dhe Suedia do të bëhet anëtare e NATO-s.
Takimi me zotin Stoltenberg u shty me një ditë për shkak se zoti Biden zhvilloi një procedurë dentare të hënën. Presidenti Biden anuloi gjithashtu një takim tjetër me ekipin sportiv të një kolegji./VOA
![](https://gazetainfokus.com/wp-content/uploads/2023/09/Baneri-kryesor-.png)
Të tjera
-
Rreth 3 mijë qenë endacakë, ka interesim për adaptimin e tyre
Përkundër investimit prej 1.7 milionë euro për zgjidhjen e problemit të qenëv...
-
Sa vite burg rrezikon Sali Berisha? Tregon avokati i tij
Genc Gjokutaj, avokat i kryetarit të Partisë Demokratike të Shqipërisë, Sali ...
-
Seanca plenare e Kuvendit: Deputetët diskutojnë për shëndetin Rriprodhues e raportet e Kosovës me ShBA
Kuvendi i Kosovës sot do të mbajë seancë plenare. Deputetët mblidhen nga ora ...
-
Komuna e Prishtinës pezullon përkohësisht tenderin prej 18 milionë eurosh
Komuna e Prishtinës ka pezulluar përkohësisht tenderin prej 18 milionë euros...
-
Lansohet sot thirrja publike për mbështetjen e konsumatorëve familjarë për investim në pajisje efiçiente për ngrohje
Sot në ora 09:00, Ministria e Ekonomisë, në kuadër të pakos emergjente për en...
-
Joe Biden “tradhton” demokratët, kapet mat duke “mbështetur” Trump
Presidenti Joe Biden veshi për një çast një nga kapelet e kuqe MAGA të ish-Pr...
-
Kyle Walker injoron De Bruynen kur pyetet për lojtarin më të mirë me të cilin ka luajtur te City
Kyle Walker iu bashkua Manchester Cityt nga Tottenham në vitin 2017 dhe që at...
-
“Fitorja e Ukrainës varet nga SHBA”, Zelensky pas takimit me Blinken: Ndikojnë edhe partnerët e tjerë
Presidenti ukrainas, Volodymyr Zelensky, tha se plani i Ukrainës për të mposh...
-
Nis verifikimi nëse ka fëmijë që nuk jetojnë në Kosovë e i marrin shtesat
Proces verifikues për prindër që përfitojnë nga shtesa për fëmijë, ka nisur M...
-
Policia shkatërron sot armët e konfiskuara gjatë aksioneve
Policia e Kosovës sot do të organizojë shkatërrimin e armëve të konfiskuara g...
-
Kuvendi i Kosovës mban sot seancë plenare
Kuvendi i Kosovës mban sot seancë plenare. Në rend dite janë 29 pika, përf...
-
Maqedonci: Sa kohë Radoiçiq është i lirë, veriu nuk është i qetë
Ministri i Mbrojtjes Ejup Maqedonci n ka thënë se perderisa kreu i grupit të ...