Lajme

Krenari e shembull i mirë – Dhjetëra qytetarë po presin në rend për të dhuruar gjak në shesh

Autori: Gazeta inFokus 11:02 | 14 Qershor 2023

Qytetarët e Kosovës po mahnisin me solidarizimin e vullnetin e shprehur për të dhënë gjak e për të shpëtuar jetë në aksionin për javën e dhurimit të gjakut që po mbahet në sheshin e Prishtinës e organizuar nga Transfuzioni i Gjakut – QKUK.

Dhjetëra qytetarë janë duke pritur për të dhuruar gjak e një vullnet i tillë duket të ketë qenë prej dje kur edhe ka filluar ky aksion, derisa sot me 14 qershor shënohet Dita Ndërkombëtare e Dhurimit të Gjakut, shkruan Gazeta Infokus.

Betim Morina nga Transfuzioni i Gjakut ka shprehur falënderimin e tij që qytetarët pas asnjë hezitim i janë përgjigjur thirrjes për dhurim të gjakut.

-Advertisement-

Një interesim kaq i madh i qytetarëve për të dhuruar gjak dhe për të shpëtuar jetë është një shembull i mirë e vetëdijesim për tu dalë në ndihmë atyre që kanë nevojë.

Ndiqni këto pamje të mrekullueshme nga sheshi i Prishtinës ku po dhurohet gjak për të shpëtuar jetë.