Lajme

Ministria e Sveçles del me numër të veprave penale që u kryen në veri për 5 muaj

Autori: Gazeta inFokus 13:21 | 12 Qershor 2023

Ministria e Punëve të Brendshme ka bërë të ditur se në komunat veriore të Kosovës, deri në muajin maj kanë pranuar dhe trajtuar 184 raste të ndryshme penale.

Përmes një postimi në Facebook, MPB thotë se raportimet nga ana e qytetarëve janë çelësi i luftimit të krimit dhe çdo lloj vepre tjetër penale.

“I falënderojmë qytetarët për besimin në raportim si dhe i inkurajojmë për bashkëpunim të mëtutjeshëm me Policinë e Kosovës”, thuhet mes tjerash në njoftim.

-Advertisement-

Njoftimi i plotë:

Qytetarët tanë në komunat veriore po vazhdojnë bashkëpunimin me Policinë e Kosovës. Raportimet nga ana e qytetarëve janë padyshim çelësi i luftimit të përbashkët të krimit dhe çdo lloj vepre penale.

Deri në muajin maj të këtij viti, Stacionet Policore të komunave Mitrovicë e Veriut, Zveçan, Leposaviq dhe Zubin Potok, kanë pranuar dhe trajtuar 126 raste ndërsa bashkë me Hetimet Rajonale, 184 raste në total.

I falënderojmë qytetarët për besimin në raportim si dhe i inkurajojmë për bashkëpunim të mëtutjeshëm me Policinë e Kosovës.