Afër dhjetë mijë banorë të fshatrave të Skenderajt përfitojnë nga rrjeti i ri elektrik
![](https://gazetainfokus.com/wp-content/uploads/2023/06/Projekti-i-daljes-10kV-Likovci-852x460.jpg)
Autori: Gazeta inFokus
15:56 | 08 June 2023
Në kuadër të planit investiv të KEDS-it, afër dhjetë mijë banorë të komunës së Skenderajt tashmë janë bërë me rrjet të ri elektrik.
Projekti i investimeve në daljen 10kV Likovci, në komunën e Skenderajt, prej të cilit përfitojnë katërmbëdhjetë fshatra, ka përfunduar para pak kohësh. Në këtë linjë të re të Tensionit të Mesëm dhe të Ulët të rrjetit elektroenergjetik janë vendosur 1,450 shtylla të reja të betonit dhe mbi 72,000m përçues elektrikë, si dhe 27 transformatorë të rinj.
Me vënien në funksion të kësaj linjeje të re, tashmë po përfitojnë afër 10,000 banorë të asaj komune.
Menaxheri i projektit në daljen 10kV Likovci, Burim Llugaxhiu, inxhinier në KEDS, thotë se ky projekt ka qenë i domosdoshëm me qëllim që konsumatorët tanë të kenë furnizim të qëndrueshëm me energji elektrike.
“Konsumatorët tanë të kësaj zone, përveçse kanë cilësi të lartë dhe furnizim pa ndërprerje me energji elektrike, po përfitojnë edhe në aspektin e sigurisë dhe shëndetit, meqë rrjeti i vjetër elektrik është zëvendësuar komplet me një rrjet të ri”, tha ai.
Banorët e kësaj ane shprehen të lumtur për rrjetin e ri elektrik. Ejup Gashi nga fshati Krushevc i Skenderajt thotë se më parë nuk ka pasur shtylla të mjaftueshme dhe, edhe ato që kanë qenë, për shkak të vjetërsisë, dëmtoheshin.
“Si banor i këtij fshati jam shumë i kënaqur me realizimin e këtij projekti. Falënderojmë KEDS-in që na hoqi rrjetin e vjetër dhe na instaloi të riun”, tha ai.
Edhe Bahri Gashi, banor i asaj ane, u shpreh i lumtur që tashmë kanë rrymë pa ndërprerje dhe pa asnjë defekt.
“Përpara ndodhnin prishje për shkak se shtyllat kanë qenë të drurit dhe të vjetra. Me instalimin e rrjetit të ri elektrik dhe shtyllave të reja të betonit, nuk ka ndodhur asnjë defekt deri tash. Më mirë s’ka ku shkon”, thotë ai.
Me përfundimin e këtij projekti investiv, i cili kap një shumë prej më shumë se 600 mijë eurosh, banorët e këtyre fshatrave kanë furnizim të qëndrueshëm dhe cilësor me energji elektrike. Mbi të gjitha, kanë edhe siguri. Aktualisht, KEDS-i po realizon më shumë se 250 projekte në mbarë Kosovën.
![](https://gazetainfokus.com/wp-content/uploads/2024/08/Portal-Lajm.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...