Lajme

Deputetja e LVV-së: Prishtina i dha tenderin 8.5 milionësh kompanisë me pronar të dënuar për falsifikim

Autori: Gazeta inFokus 22:51 | 17 Maj 2023

Deputetja e LVV-së, Jeta Statovci ka thënë të mërkurën se Komuna e Prishtinës i ka dhënë tenderë prej 8.5 milionë eurosh një kompanie, pronari i së cilës ishte i dënuar për mashtrim dhe falsifikim të dokumentit zyrtar.

Fjala është për kompaninë e cila mori tenderin për ndërtimin e Rrugës A në Prishtinë.

Për këtë kompani, Statovci tha se e ka të ndaluar nga Apeli që të marrë pjesë në prokurim publik, për një periudhë 10-vjeçare deri në vitin 2028.

-Advertisement-

Ky ka vënë në lëvizje Prokurorinë e Shtetit, e cila ka nisur hetimet.

“Në Komisionin për Buxhet, Punë dhe Transfere shpreha shqetësimin rreth zhvillimeve të fundit në OSHP lidhur me tenderin 8.5 milionësh, tender ky për rregullimin e rrugës A në Kryeqytet, rast i cili tashmë ka aktivizuar edhe Prokurorinë e shtetit. Shqetësimet implikojnë dhe OSHP-në në trajtimin e kesaj lënde”, ka shkruar Statovci duke postuar edhe fjalën e saj të plotë në komisionin parlamentar.

“Kultura e zhvatjes së parasë publike, ikjes nga përgjegjësitë ligjore, favorizimi i kompanive të caktuara që kanë lidhje politike, anipse zyrtarëve të tyre ju janë shqiptuar denime dhe ndalesa 10 vjeçare në proces prokurimi, duhet të marrë fund në vendin tonë”, theksoi ajo.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy