Sport

Ministri Çeku i reagon Gjokoviqit: “No-Vax No entry”

Autori: Gazeta inFokus 17:41 | 17 May 2023

Ministri i Ministrisë së Kulturës, Rinisë dhe Sportit, Hajrulla Çeku ka deklaruar se tenisti serb, Novak Gjokoviq e ka të ndaluar hyrjen në Kosovën derisa ai të vaksinohet. Reagimi i Çekut vjen pas deklaratës së tenistit serb ku e kishte quajtur Kosovën si pjesë të Serbisë.

Në një intervistë për të përditshmen italiane “Corriere della Sera”, Gjokoviq ka thënë se ka dëshirë të kthehet në Kosovë për t’i pagëzuar fëmijët e tij, teksa kishte shtuar se Kosova është pjesë e Serbisë.

Ministri i Ministrisë së Kulturës, Rinisë dhe Sportit, Hajrulla Çeku përmes një postimi në Twitter i është kundërpërgjigjur tenistit serb.

-Advertisement-

“No-Vax No entry”, shkroi ai në Twitter, duke e vendosur edhe flamurin e Kosovës.

Gjokoviq kishte deklaruar se Kosova është pjesë e Serbisë dhe ajo njihet si e tillë nga të gjithë serbët.

“Dua të kthehem në Kosovë me gruan time për t’i pagëzuar fëmijët e mi, Stefan, tetë vjeç, dhe Tara, pesë vjeçe. E di se kjo është një çështje delikate pasi konflikti është ende prezent atje, ndonëse jo më i armatosur, por ka ende tension. Nuk dua të përzihem në politikë, por për çdo serb, Kosova është në zemër, është një qendër e kulturës sonë, të identitetit, të traditës dhe të besimit tonë”, kishte deklaruar tenisti serb.

Tenisti serb njihet për deklaratat e tij shoveniste. Ai edhe në të kaluarën kishte deklaruar fakte kundërthënëse lidhur me pavarësinë e Republikës së Kosovës.

Subscribe në YouTube: GAZETA INFOKUSI