Lajme

Organizata “QIKAT” fton qytetarët të nënshkruajnë peticionin për heqjen e tatimit për produktet menstruale

Autori: Gazeta inFokus 12:17 | 11 May 2023

Organizata “QIKAT” u ka bërë thirrje qytetarëve të Kosovës për nënshkrimin e peticionit për heqjen e TVSH-së për pecetat menstruale dhe tamponët, shkruan Gazeta Infokus.

Kjo thirrje e organizatës erdhi, pasi që sipas tyre shteti i detyron gratë në Kosovë të paguajnë 18% taksë për produkte menstruale, sepse i konsideron ato si produkte jo-esenciale.

“Shumë gra nuk mund të përballojnë blerjen e pecetave, tamponëve apo produkteve të tjera menstruale për shkak të kushteve ekonomike. Në pamundësi të përdorimit të mjeteve të duhura, ato detyrohen të përdorin materiale të pasigurta për shëndetin gjatë ciklit menstrual.  Për gratë, qasja në peceta menstruale është esenciale dhe duhet të trajtohet si e tillë prej shtetit! Taksa për produkte menstruale është pengesë për gëzimin e të drejtës në shëndet për gratë dhe personat që menstruojnë, rrjedhimisht ua shkelë të drejtat e njeriut dhe është kundërkushtetuese. QIKA fton qytetarët e Kosovës ta nënshkruajnë peticionin për heqjen e tatimit mbi vlerën e shtuar (TVSh-së) prej 18% për pecetat menstruale dhe tamponët! Peceta nuk është luks, është nevojë!”, ka shkruar organizata./Gazeta Infokus/

-Advertisement-

 

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme