Lajme

Në Ditën e Evropës përurohet murali i “Energjisë së Mirë”

Autori: Gazeta inFokus 12:24 | 09 May 2023

Me rastin e Ditës së Evropës është bërë përurimi i muralit të “Energjisë së Mirë”.

Në këtë ngjarje kanë marrë pjesë shefi i Zyrës së Bashkimit Evropian, Tomas Szunyog, dhe ministrja e Ekonomisë, Artane Rizvanolli.

Sipas Szunyog, Kosova dhe i gjithë rajoni e kanë vendin në Bashkimin Evropian.

-Advertisement-

Tutje, ai ka thënë se po e mbështesin Kosovën që t’i përmbush standardet e BE-së sa i përket energjisë së gjelbër.

“Jemi shumë të lumtur që se bashku me Qeverinë kemi finalizuar pakon e mbështetjes për energjinë. Por, jemi duke punuar edhe në projekte të tjera që ta ndihmojmë Kosovën në tranzicionin e gjelbër, që t’i arrijë qëllimet e ‘Green Deal’, por edhe që t’i përmbush standardet e BE-së”.

“Kosova dhe gjithë rajoni e kanë vendin në BE, prandaj kjo është i rëndësishme për ne. E shohim Kosovën, si dhe gjithë rajonin, si shtete të ardhshme të BE-së”.

Murali është pikturuar në murin anësor të ndërtesës së BE-së në Prishtinë.

Subscribe në YouTube: GAZETA INFOKUSI