Lajme

Selmanaj i drejtohet Muratit: Edhe tri jetë mi pasë ti, ski me mujt me mrri 9 muaj sa kemi arrit na

Autori: Gazeta inFokus 12:00 | 04 Maj 2023

Deputeti i Lidhjes Demokratike të Kosovës, Driton Selmanaj, në seancën e sotme është përplasur me ministrin e Financave, Hekuran Murati, lidhur me nënshkrimin e Deklaratës për të Zhdukurit, të martën në Bruksel, shkruan Gazeta Infokus.

Selmanaj iu drejtua Muratit duke i thënë se më nënshkrimin e kësaj marrëveshje, Serbia është barazuar institucionlisht për të zhdukurit në Kosovë.

“Nuk ja vlen me nivelin e tillë të shpërndajmë as muhabet. Në marrëveshjen e Uashingtonit t’i djalë i mirë që ka ndodhë në Shtëpinë e Bardhë e jo në villën e Titës në Ohër jemi marrë vesh për zotime. Këtu ke nënshkru marrëveshje me Serbinë ku e ki amnestu Serbinë ku e ke barazu institucionlisht për të zhdukurit në Kosovë dhe ja ke heqë mundësinë që njerëzit me pasë të drejtë me kërku  kompensim”, tha Selamanaj.

-Advertisement-

Gjithashtu, ai i tha Muratit edhe sikur t’i kishte tri jetë, nuk do të mund të arrinin atë që e ka arritur LDK-ja për 9 muaj.

“Këto janë dëmet e mëdha që ju kanë ba këtij vendi, këto janë dëmet e mëdha që kanë me je ba, kemi mi pa gjeneratë pas gjeneratë dhe unë po të them edhe tri jetë mi pasë ti ski me mujt me mrri 9 muaj sa kemi me arrit na me çu Kosovën në Shtëpinë e Bardhë, marrëveshjen e Uashingtonit”, ka deklaruar deputeti i LDK-së./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy