Sport

Ancelotti : Real-Milan do të ishte finalja ideale

Autori: Gazeta inFokus 10:01 | 19 April 2023

Real Madrid dhe Milan janë dy skuadrat e para gjysmëfinaliste në Champions League. Trajneri i kampionëve në fuqi të turneut më të rëndësishëm për klube, Carlo Ancelotti u ndal edhe te rikthimi i kuqezinjve italianë mes katër më të mirëve në Europë pas 16 vitesh.

Ancelotti ndihet i lumtur, pasi një pjesë e zemrës së tij i takon Milanit. “Arritje e madhe e Milanit, komplimente klubit dhe Maldinit. Por duhet komplimentuar edhe Napoli.

Ata kanë zhvilluar një sezon të jashtëzakonshëm dhe do fitojnë titullin kampion me meritë. Napoli ka qenë skuadra më e mirë italiane e këtij sezoni, do e provojë sërish sezonin e ardhshëm.

-Advertisement-

Do të ishte ideale të përballeshim me Milanin në finale, por ka ende një rrugë të gjatë për të bërë. Historia në këtë kompeticion ka rëndësi të madhe.

Pesha e fanellës ndikon, nuk është rastësi që Reali dhe Milani janë skuadrat që kanë fituar më shumë Champions League. Fitorja ndaj Chelsea? Vuajtëm, por na shpëtoi Courtois në pjesën e parë.

Në pjesën e dytë luajtëm më mirë. Ishim shumë të rrezikshëm në daljet në kundërsulme”, deklaroi Ancelotti pas suksesit 0-2 në “Stamford Bridge”, i njëjti rezultat me të cilin “Los Blancos” fituan edhe në “Santiago Bernabeu”.

Subscribe në YouTube: GAZETA INFOKUSI
Etiketa:
BKT Kosova nderohet me tre Çmime prestigjioze për qëndrueshmëri
-Advertisement-

Të tjera

Fokusi

sport