Lajme

Peci: Fermerët për herë të parë po fitojnë grante pa dhënë ryshfet

Autori: Gazeta inFokus 23:46 | 11 April 2023

Ministri i Bujqësisë Pylltarisë dhe Zhvillimit Rural, Faton Peci ka thënë se për gjatë dy vjetëve qeverisje kanë realizuar shumicën e premtimeve që kanë dhënë.

Ai në Tëvë 1 ka thënë se këtë dikaster e ka gjetur gjendje shumë të rëndë, kur për vite të tëra është degraduar.

“Ministria ishte shndërruar në një institucion ku grupe të caktuara thjeshtë abuzonin në mnyrë flagrante me paranë publike dhe dëshmitë e të arrestuarave që janë në gjykata e dëshmojnë më së mirë gjendjen në të cilën ka qenë”, ka thënë Peci.

-Advertisement-

Ai ka thënë se edhe fermerët me të cilët ai ka kontakte e pranojë se është hera e parë që ata marrin grante pa dhënë ryshfet.

Ministri ka thënë se falë menaxhimit të mirë të parasë publike kanë fituar besimin edhe të institucioneve ndërkombëtare, dhe si rezultat i kësaj deri në fund të muajit prill do të nënshkruajnë marrëveshje me dy institucione në vlerë më nga 20 milionë euro, ku do të investohet në dy projekte.

“Deri në fund të muajit prill Ministria e Bujqësisë do të shkruaj marrëveshje edhe me dy institucione ndërkombëtare në të cilën do të marrim edhe 20 milionë euro shtesë. Njëri nga projektet që do të financohet do të jetë edhe investimi në zgjerimin e sipërfaqeve për ujitje dhe projekti tjerët do të jetë në fushën e eko-truizmit dhe agro -turizmit që është një fushë shumë e rëndësishme”, ka thënë Peci.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme