Lajme

Kryesuesi i Bordit të ZRrE-së: Qytetarët nuk do të paguajnë për rrymën e veriut as me tarifat e reja

Autori: Gazeta inFokus 12:26 | 30 March 2023

Kryesuesi i Bordit të Zyrës së Rregullatorit për Energji, Ymer Fejzullahu ka thënë se ZRrE-ja e ka respektuar pjesën e tyre, sa i përket marrëveshjes Kosovë-Serbi për energjinë.

Sipas tij, pikat tjera janë përgjegjësi e palëve të tjera për t’i plotësuar.

“Një prej pikave që ka qenë obligim i ZRRE-së, ne e kemi përmbush. Ajo ka qenë dhënia e licencës konform Marrëveshjes së Brukselit. Ndërsa pikat tjera janë obligime për palë tjera. ZRRE-ja si palë mbështetëse në këtë rast e grupit negociator është duke i kryer obligimet e saj karshi kësaj marrëveshje. Ndërsa palët tjera mbetet që t’i kryejnë obligimet siç është përcaktu në udhërrëfyes”, ka thënë Fejzullahu në Komisionin për Ekonomi.

-Advertisement-

Ndërkaq, i pyetur se a do të paguajnë qytetarët më shtrenjtë për veriut nëse hyjnë në fuqi tarifat me rritje, Fejzullahu ka thënë se prej 2018 qytetarët nuk paguajnë për atë pjesë.

“Deri në 2018 kostoja e veriut ka qenë e përfshirë në kuadër të tarifave të konsumatorëve. Nga viti 2018 ajo kosto nuk është e përfshirë në tarifat e konsumatorëve dhe si e tillë nuk hyn. ZRRE-ja edhe sikur të don me e përfshi nuk ka të drejtë meqenëse ka një vendim të Gjykatës. Prandaj tarifat që janë të propozume për këtë vit, vitin e kalum edhe prej vitit 2018, asnjëherë, asnjë cent, asnjë kosto nuk është e përfshirë në kuadër ta kalkulimit të tarifave në kuadër të rregullatorit”, ka thënë ai.

Subscribe në YouTube: GAZETA INFOKUSI
FREE FRIDAY ME ZBRITJE DERI 70%
-Advertisement-

Të tjera

Fokusi

lajme