Lajme

Detaje për vrasjen e 58-vjeçarit në afërsi të shtëpisë së tij në Dumnicë të Podujevës

Autori: Gazeta inFokus 09:50 | 27 March 2023

Të dielën një burrë është vrarë në afërsi të shtëpisë së tij në Dumnicë të Podujevës.

Për këtë rast është deklaruar zëdhënësja e Prokurorisë Themelore të Prishtinës, Laureta Ulaj.

Deri më tani nuk ka persona të arrestuar, teksa prokuroria po kryen hetime intensive për identifikimin e personave të përshirë në këtë rast.

-Advertisement-

“Referuar pyetjeve tuaja, ju njoftojmë se me urdhër të prokurorit kujdestar, rasti është kualifikuar “Vrasje”, sipas KPRK-së. Prokuroria në koordinim me Policinë janë duke i ndërmarrë të gjitha veprimet e nevojshme hetimore në mënyrë intensive, me qëllim të ndriçimit të rrethanave të këtij akti dhe identifikimit të personave të përfshirë në këtë rast”, tha Ulaj.

Ajto shtoi se mosha e viktimës është 58-vjeç dhe me urdhër të prokurorit trupi i pajetë është dërguar në IML për obduksion.

“Mosha e viktimës është 58 vjeç, derisa me urdhër të prokurorit trupi i pajetë është dërguar në IML për t’iu nënshtruar obduksionit”, tha Ulaj për Express.

Rasti është përfshirë edhe në raportin 24-orësh të policisë.

“VRASJE/Fsh. Dumnicë e Epërme, Podujevë 26.03.2023 – 18:08. Një mashkull kosovar është gjetur i vdekur në afërsi të shtëpisë së tij. Vdekjen e viktimës e ka konfirmuar ekipi mjekësor në vendin e ngjarjes. Në vendin e ngjarjes përveç njësive relevante policore ka dalë edhe prokurori, i cili ka urdhëruar që trupi i pajetë të dërgohet në obduksion. Nuk raportohet për të arrestuar. Rasti në hetime”, thuhet në raportin e policisë.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy