Si po e kërcënon hapur Rusia Serbinë që të heqë dorë nga plani i Paqes me Kosovën
Autori: Gazeta inFokus 18:19 | 10 March 2023
Ditëve të fundit Rusia është rikthyer në skenën politike të Serbisë dhe Ballkanit Perëndimor me deklarata kërcënuese ndaj patericës së saj në rajonin tonë.
Rusia s’po mund të fsheh agjendën destruktive ndaj Ballkanit Perëndimor dhe Kosovës në veçanti.
Dje pati një riaktivizim të koordinuar nga Rusia në drejtim të Serbisë, duke i kërkuar hapur që të tërhiqet nga marrëveshja e mundshme me Kosovën, e cila pritet të përmbyllet më 18 mars në Ohër të Maqedonisë së Veriut.
Të enjten, fillimisht presidenti i Serbisë, Aleksandar Vuçiq u takua me ambasadorin rus, Aleksandar Botsan Harçenko, njeriun radikal të Putinit në shtetin fqinj, shkruan Nova.rs.
Në një postim në rrjetin e tij në Instagram, Vuçiq njoftoi se me ambasadorin rus Harçenko, patën bisedie rreth “situatës në Kosovë” dhe se Serbia do të vazhdojë në marrëdhëniet e saj me Rusinë.
“Veçanërisht e informova Shkëlqesinë e Tij rreth situatës në Kosovë dhe qëndrimet e Serbisë. Serbia do të vazhdojë të mirëmbajë marrëdhënie korrektë me Federatën Ruse”, shkroi Aleksandar Vuçiq.
Kujtojmë se kohëve të fundit, ambasadori rus ka rritur paraqitjet e tij nëpër media serbe ku vazhdimisht ka inkurajuar Serbinë të mos e pranojë plan-propozimin e BE-së për normalizimin e marrëdhënieve ndërmjet Kosovës dhe Serbisë.
Harçenko në një numër paraqitjesh këtë propozim të BE-së e ka quajtur “njohje të Kosovës” të cilin Serbia nuk duhet ta pranojë.
Një takim i tillë i Vuçiqi me Harçenkon, vije pas një kohë që presidenti serb foli hapur kundër formacionit terrorist rus Ëagner që vepronte në Serbi.
Deklarata e Vuçiqit kundër Ëagnerit ishte e para publike, duke i befasuar të gjithë. Kjo u pa edhe si një fillim i shkëputjes së Serbisë nga Rusia.
Po ashtu, Serbia një ditë pas takimit në Bruksel me kryeministrin e Kosovës, pranoi donacion mbi 600 milionë euro nga BE-ja për rehabilitimin e hekurudhave të Serbisë.
Kërcënimi tjetër nga zëdhënësja e Lavrovit
Vetëm pak orë pas këtij takimi, në skenë dje doli zëdhënësja e Ministrisë së Jashtme Ruse, Maria Zakharova. Ajo në një konferencë për media ka thënë se dialogu ndërmjet Kosovës dhe Serbisë, “ka të gjitha shanset të përsërisë fatin e Formatit të Normadisë”, siç e cituan mediat serbe.
Serbisë ajo i bëri thirrje të mos i besojë rolit të Perëndimit për normalizimin e marrëdhënieve Kosovë-Serbi.
“Dialogu ndërmjet Beogradit dhe Prishtinës nën ndërmjetësimin e BE-së ka të gjitha shanset për ta përsëritur fatin e Formatit të Normandisë. I ftoj të gjithë në rajon, ekspertët, shkencëtarët politikë, gazetarët dhe publikun e përgjithshëm, të shqyrtojnë rolin e marrëveshjeve të bëra me Perëndimit dhe nëse është përsëritje e historisë së Formatit të Normandisë”, ka thënë Zakharova.
“Në Marrëveshjen e Minskut ishin nënshkrimet e njerëzve me rëndësi botërore, ata ishin njerëz jo vetëm që përfaqësonin forca të caktuara politike, ishin njerëz që kishin autoritet absolut për të verifikuar dokumente të këtilla, e kam fjalën për vendet perëndimore”, ka thënë ajo.
Kosova dhe Serbia do të takohen më 18 mars në Ohër për ta përmbyllur pjesën e dytë të marrëveshjes për normalizim të marrëdhënieve, atë të planit implementues.
Të tjera
-
Ivica Daçiq thotë se i arrestuari në Merdare është Tefik Mustafa, reagon Zyra Ndërlidhëse e Kosovës
Në Serbi është arrestuar një kosovar nën dyshimin për “krime lufte”. Për këtë...
-
Gërvalla për mediumin kanadez: Serbia nuk duhet të ketë vend në NATO dhe BE
Ministrja e Punëve të Jashtme, Donika Gërvalla është shprehur se nuk duhet të...
-
Serbia thotë se e ka arrestuar një kosovar në Merdare
Autoritetet serbe njoftuan të shtunën se e kanë arrestuar një kosovar në pikë...
-
Lutfi Haziri me mesazh për shqiptarët e Kosovës Lindore: Dilni në mënyrë massive në zgjedhje
Nënkryetari i Lidhjes Demokratike të Kosovës, Lutfi Haziri ka bërë thirrje q...
-
Kontingjenti i FSK-së arrin sukses në ushtrimin më gjithëpërfshirës të Turqisë, “EFES 2024”
Ushtrimi ushtarak “EFES 2024”, i mbajtur në Izmir të Turqisë ka përfunduar dj...
-
Dy të lënduar në një aksident në Shipol të Mitrovicës
Një aksident mes dy veturave ka ndodhur në rrugën “Dëshmorët e Kombit” në la...
-
Spitali i Pejës del me njoftim: U sulmuἀm tmerrshëm, zjἀrrin e vuri një person i maskuar, i kemi pamjet
Spitali i Pejës ka dal me një njoftim të rëndësishëm për zjarrin që ka kaplua...
-
Real Madrid fiton për të 15-ën herë Ligën e Kampionëve
Real Madrid ka fituar për të 15-tën herë trofeun e Ligës së Kampionëve. Në...
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...