Sot fillon afati për aplikim për certifikim në zgjedhjet në komunat në veri
Autori: Gazeta inFokus 08:08 | 09 March 2023
Sot fillon afati për aplikim për certifikim për pjesëmarrje në zgjedhjet në katër komunat në veri.
Komisionin Qendror i Zgjedhjeve po bënë përgatitjet për mbajtjen e zgjedhjeve të jashtëzakonshme për kryetar të komunave në katër komunat në veri të vendit dhe për dy kuvendet komunale. Këto pritet të mbahen më 23 prill.
Ndërkohë, afatet e aktiviteteve për organizimin e zgjedhjeve të jashtëzakonshme fillojnë nga sot.
Katër komunat në veri të vendit; Zveçani, Zubin Potoku, Leposaviq dhe Mitrovica e Veriut, vazhdojnë të jenë pa kryetarë, që nga 5 nëntori kur dhanë dorëheqje. Zgjedhjet e jashtëzakonshme të caktuara fillimisht për 18 dhjetor 2022, si pasojë e situatës së krijuar në veri, ishin shty nga presidentja Vjosa Osmani, e cila datë të re caktoi 23 prillin e këtij viti.
Në Komisionin Qendror të Zgjedhjeve, po bëhen përgatitjet për mbajtjen e tyre.
Zëdhënësi i KQZ-së, Valmir Elezi, thotë për Radio Kosovën se nga sot fillojnë të rrjedhin afatet e organizimit të procesit zgjedhor.
“Komisioni Qendror i Zgjedhjeve tashmë ka caktuar afatet e aktiviteteve dhe ka miratuar planin operacional për organizimin e zgjedhjeve të jashtëzakonshme, që do të mbahen më 23 prill 2023. Të gjitha afatet e aktiviteteve zgjedhore i referohen afatit prej 45 ditësh dhe zbatimi i tyre do të fillojë nga data 9 mars 2023”, tha ai.
Afati për aplikim për certifikim të subjekteve politike dhe kandidatëve për pjesëmarrje në zgjedhjet e jashtëzakonshme fillon sot. Tërheqja e shortit për renditjen e kandidatëve dhe subjekteve në fletëvotim do bëhet më 3 prill. Një ditë më pas fillon fushata zgjedhore që do të zgjasë 18 ditë.
Zëdhënësi i KQZ-së, Valmir Elezi, tutje tregon për interesimin për pjesëmarrje në zgjedhjet e parapara të mbaheshin dhjetorin e kaluar.
“Gjatë nëntorit dhe dhjetorit të vitit 2022, Komisioni Qendror i Zgjedhjeve ka certifikuar 11 kandidatë të katër subjekteve politike për të garuar në zgjedhjet për kryetar në ndonjërën nga katër komunat dhe 63 kandidatë të tri subjekteve politike në zgjedhjet për dy kuvendet komunale. Sipas vendimit të KQZ-së, ky proces do të vlejë, pra subjektet politike do të munden që nga 9 deri më 13 mars t’i konfirmojnë kandidatët tashmë të certifikuar, pa pasur nevojë për aplikim nga fillimi”, tha Elezi.
Përveç procesit të konfirmimit të kandidaturave të certifikuara, KQZ-ja do të pranojë edhe aplikimet e reja nga partitë politike, kandidatët e pavarur, iniciativat qytetare a koalicionet, tha tutje zëdhënësi i KQZ-së.
Dorëheqjet e kryetarëve të katër komunave në veri ishin paralajmëruar dhe nxitur nga kryetari i Listës Serbe, Goran Rakiq, si kundërpërgjigje ndaj suspendimit të ish-drejtorit Rajonal të Policisë në veri të Mitrovicës, Nenad Gjuriq, dhe ndalimit të përdorimit të targave ilegale.
Të tjera
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin pë...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...
-
Hamiti: LDK i fiton zgjedhjet e ardhshme
Anëtari i Kryesisë së LDK-së, Muhamet Hamiti, është shprehur optimist për rez...
-
Kritikat e Kurtit ndaj PSRK-së “ndërhyrje në drejtësi dhe shpikje për larguar vëmendjen nga dështimet”
Shoqëria civile dhe partitë opozitare po e konsiderojnë ndërhyrje në punën e ...
-
Dy veturave me targa serbe në Mitrovicë të Veriut iu vihet flaka
Zëvëndësdrejtori i Policisë së Kosovës për rajonin e Veriut, Veton Elshani, k...
-
Bajrami: Vazhdon korrupsioni, vetëm dje KRPP ka publikuar 4 kontrata njëburimore në shumë 683 mijë euro
Deputetja nga radhët e Lidhjes Demokratike të Kosovës, Hykmete Bajrami, ka th...