Lajme

Ambasada e Norvegjisë e konfirmon: Ambasada në Prishtinë mbyllet përgjithmonë me 31 korrik 2023!

Autori: Gazeta inFokus 20:15 | 21 February 2023

Ambasada e Norvegjisë në Kosovë do të mbyllë dyert e saj përgjithmonë në shtetin tonë me datë 31 korrik të këtij viti. Kjo është konfirmuar nga një përgjigje zyrtare e ambasadës norvegjeze dhënë për Indeksonline.

“Ambasada e Norvegjisë në Prishtinë do të mbyllet përgjithmonë më 31 korrik 2023.

Aplikimet për vizë vizitori dhe leje qëndrimi në Norvegji trajtohen nga Ambasada Norvegjeze në Ankara, Turqi. Të gjithë aplikantët tash e sa vjet dorëzojnë alikacionet e tyre përmes VFS Global në Prishtinë” thuhet në njoftimin e Ambasadës Norvegjeze.

-Advertisement-

Përveç në Kosovë, Norvegjia do t’i mbyllë ambasadat edhe në vende të tjera.

Bëhet fjalë për ambasadat në Bratislavë (Sllovaki), Kolombo (Sri Lanka), zyra e ambasadës në Antananarivo (Madagaskar) dhe Konsullata e Përgjithshme në Hjuston (SHBA).

“Nuk është kurrë e lehtë të vendosësh të mbyllësh misionet norvegjeze. Mbylljet si këto ndikojnë në jetën e diplomatëve norvegjezë të postuar dhe kanë pasoja edhe më të mëdha për stafin e punësuar në vend. Por, ne kemi një përgjegjësi për të përdorur burimet tona në një mënyrë që na mundëson të mbrojmë interesat norvegjeze në mënyrë sa më efektive të jetë e mundur Marrëdhëniet diplomatike të Norvegjisë me Kosovën, Madagaskarin, Sllovakinë dhe Sri Lankën do të trajtohen përmes marrëveshjeve alternative, për shembull përgjegjësia për këtë do t’i jepet një ambasade norvegjeze afër, ose një ambasador me bazë në Norvegji do të emërohet për vendin në fjalë”, ishte thënë në njoftimin e paralajmëruar më parë nga shteti norvegjez.

Norvegjia aktualisht ka 101 misione diplomatike dhe konsullore. Shërbimi i Jashtëm Norvegjez përbëhet nga më shumë se 2600 punonjës. Rreth 800 prej tyre punojnë në Oslo, mbi 600 janë staf diplomatik dhe rreth 1200 janë staf të punësuar në vend, të rekrutuar drejtpërdrejt nga misionet jashtë vendit.

Subscribe në YouTube: GAZETA INFOKUSI
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme