Lajme

Rekrutimi i policëve në veri, testimit i janë nënshtrua 136 kandidatë

Autori: Gazeta inFokus 20:02 | 21 February 2023

Derisa Kosova e Serbia pritet ta vazhdojnë dialogun, në planin e brendshëm Kosova po vazhdon me përpjekjet për zëvendësimin e serbëve që lëshuan Policinë e Kosovës në komunat veriore të vendit. Nga Policia e Kosovës kanë bërë të ditur se mbi 140 kandidatë janë paraqitur për t`u bërë pjesë e kësaj strukture, derisa ministri serb në Qeverinë e Kosovës, Nenad Rashiq, tha se përfshirja e serbëve në institucione është e paalternativë.

136 kandidatë i janë nënshtruar të hënën testimit me shkrim në konkursin që ka hapur Policia e Kosovës për rekrutimin e policëve të rinj në veri të vendit. Ky numër nuk do të arrijë t’i mbulojë të gjitha vendet të cilat kanë mbetur të lira pas largimit të serbëve nga Policia në komunat veriore.

“Deri më tani ka pasur mbi 140 kandidatë të interesuar për aplikim nga komunitetet pakicë si serbë, boshnjakë, turq, ashkalinj, egjiptian dhe romë?, kanë thënë nga Policia e Kosovës, në një përgjigje për RTK-në.

-Advertisement-

Ndërsa për Radio Kosovën, ditë me parë ministri i Punëve të Brendshme, Xhelal Sveçla, pati thënë se ka vendosur për mbajtjen hapur të këtij konkursi, deri në plotësimin e të gjitha vendeve të lira.

Ndërsa ministri serb në Qeverinë e Kosovës, Nenad Rashiq, tha se përfshirja e serbëve në institucione është e paalternativë.

Eksperti i sigurisë, Nuredin Ibishi, thotë se plotësimi i të gjitha vendeve të lira do të zgjasë për shkak të instrumentalizimit të serbëve të Kosovës nga Beogradi.

Por, Ibishi thotë se në rast të përsëritjes së një situate të ngjashme, Qeveria e Kosovës duhet ta ketë një plan të qartë se si do të veprojë, duke qenë më e rreptë në vendimet e saj.

Prej kohës kur zyrtarët policorë serbë dhanë dorëheqje nga katër komunat në veri, Mitrovicë e Veriut, Leposaviq, Zveçan dhe Zubin Potok… Policia e Kosovës ka dërguar atje zyrtarë të rendit nga rajone të tjera për t’i plotësuar vendet e zbrazëta.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme