Lajme

Hoti: Mjerë për atë ekonomi ku rriten subvencionet e zvogëlohen investimet, kjo është shenjë varfërie

Autori: Gazeta inFokus 09:49 | 21 February 2023

Ish-ministri i Financave Avdullah Hoti ka shkruar lidhur me rënien e investimeve kapitale në Kosovë gjatë Qeverisë Kurti.

Hoti thotë se në vitin 2022 subvencionet dhe transferet janë rritur për +70%, kurse investimet kapitale janë zvogëluar për -21%.

Ish kryeministri thotë se nuk ka zhvillim ekonomik me subvencione e transfere dhe se rritja e subvencioneve dhe transfereve është shenjë varfërie.

-Advertisement-

“Ky raport do të duhej të ishte i kundërt. Kështu nuk zhvillohet ekonomia, por rritet varësia e qytetarëve nga skemat sociale. Asnjë ekonomi nuk është zhvilluar duke e shpenzuar 42% të buxhetit në subvencione, por duke shpenzuar më shumë në investime kapitale publike edhe private. Vetëm investimet e zhvillojnë ekonominë, pasi ato e rrisin kapacitetin prodhues”, ka shkruar ndër të tjera Hoti.

Postimi i tij i plotë:

Mjerë për atë ekonomi ku rriten subvencionet e zvogëlohen investimet.

Shihni foton më poshtë. Në vitin 2022, krahasuar me vitin 2019:

– subvencionet dhe transferet janë rritur për +70%,

– investimet kapitale janë zvogëluar për -21%.

Nuk ka zhvillim ekonomik me subvencione e transfere. Rritja e subvencioneve dhe transfereve është shenjë varfërie.

Ja çfarë kanë bërë qeveritarët majtistë në vitin 2022:

– 41% të buxhetit e kanë shpenzuar në subvencione dhe transfere (më 2019 ka qenë 30%)

– 16% të buxhet e kanë shpenzuar për investime kapitale (më 2019 ka qenë 25%).

Ky raport do të duhej të ishte i kundërt. Kështu nuk zhvillohet ekonomia, por rritet varësia e qytetarëve nga skemat sociale. Asnjë ekonomi nuk është zhvilluar duke e shpenzuar 42% të buxhetit në subvencione, por duke shpenzuar më shumë në investime kapitale publike edhe private. Vetëm investimet e zhvillojnë ekonominë, pasi ato e rrisin kapacitetin prodhues.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme