Rozë

Loredana sapo na zbuloi më shumë rreth projektit të saj të ri muzikor!

Autori: Gazeta inFokus 07:59 | 27 January 2023

Loredana është ndër reperet më në zë dhe të suksesshme të momentit. Këngët e saj padyshim që brenda pak orësh numërojnë miliona klikime dhe rezultojnë shumë të pëlqyera. Reperja shpesh ndan momente nga jeta e saj personale duke nisur që nga postimet me vajzën dhe nga përditshmëria e saj.

Kanë kaluar vetëm pak javë nga publikimi i këngës së saj të re, një bashkëpunim me artistin Yll Limani, i cili titullohet “Kriminele” dhe është pëlqyer shumë nga publiku. Para pak kohësh Loredana me anë të një postimi në Instastory ka treguar se po punon për një projekt të ri muzikor e duket se kënga është gati dhe do të publikohet nesër. Këtë na e ka treguar vetë reperja me një tjetër postim në Instastory, ku na ka treguar gjithashtu edhe titullin e këngës, i cili do të jetë “OFT VERTRAUT”.

Sukseset e Loredanës nuk kanë të ndalur e së fundmi reperja me anë të një Instastory ka treguar se tashmë ka arritur një tjetër sukses. Reperja ka tejkaluar zyrtarisht 1.2 bilion transmetime në ‘Spotify’. Ajo mbetet artistja femër më e transmetuar gjermanishtfolëse në këtë platformë.

-Advertisement-

Kohëve të fundit Loredana ka postuar në Instagram disa foto të saj, ku mes tyre shfaqet një foto në të cilën dukej dora e Loredanës e kapur fort me dorën e një mashkulli misterioz. Reperja nuk ka dashur të tregojë se kush ishte personi tjetër dhe i ka lënë ndjekësit e saj të aludojnë dhe të mendojnë se mes kësaj foto Lori pranoi se është në një lidhje dashurie. Ama mesa duket asgjë nga këto nuk është e vërtetë, pasi më vonë u zbulua se kush ishte personi misterioz.