Kosova së shpejti pritet ta ratifikojë marrëveshjen për lëvizje të lirë me Bosnjën
Autori: Gazeta inFokus 23:37 | 21 January 2023
Tri marrëveshje u nënshkruan në Samitin e Berlinit në nëntor të vitit të kaluar mes vendeve të Ballkanit Perëndimor, ku njëra ndër to është heqja regjimit të vizave ndaj shtetasve të njëra-tjetrës, si rasti i Kosovës dhe Bosnjë-Hercegovinës.
Kjo marrëveshje u mundëson qytetarëve të dyja shteteve që të udhëtojnë vetëm me letërnjoftime.
Mirëpo, këto viza mes Kosovës e Bosnjës, nuk do të hiqen deri në ratifikimin e këtyre marrëveshjeve në Kuvendet e të dyja vendeve. Bosnja e Hercegovina, përveç Serbisë është i vetmi vend në rajonin e Ballkanit Perëndimor që nuk e njeh pavarësinë e Kosovës, por ia njeh pasaportën si dokument të vlefshëm.
Përveç kësaj marrëveshjeje për lirinë e lëvizjes, dy vendet nënshkruan edhe dy të tjera, atë për njohjen e kualifikimeve të arsimit të lartë dhe për njohjen e kualifikimeve profesionale të mjekëve, stomatologëve dhe arkitektë.
E Kosova këto marrëveshje pritet që brenda një kohe të shkurtër ta bëjë ratifikimin e tyre në Kuvend.
Kështu ka deklaruar Jeton Zulfaj, këshilltari i kryeministrit të Kosovës, Albin Kurti.
“MPJD ka bërë vlerësimet e nevojshme dhe pritet që marrëveshjet të ratifikohen në një kohë të shkurtër”, tha ai.
Zulfaj ka thënë se Ministria e Punëve të Jashtme dhe Diasporës ka pranuar kopjet e verifikuara të marrëveshjeve me datën 12 dhjetor të vitit të kaluar nga Maqedonia e Veriut, e cila sipas tij, është vend depozitar.
“Sa i përket tri marrëveshjeve të lëvizshmërisë, ato për njohjen e kualifikimeve të institucioneve të arsimit të lartë, njohjen e profesioneve të mjekëve, stomatologëve dhe arkitektëve si dhe asaj për lëvizjen e lirë me letërnjoftime të nënshkruara në Samitin e Berlinit në nëntor të vitit të kaluar në kuadër të Procesit të Berlinit, theksojmë që MPJD ka pranuar kopjet e verifikuara me datë 12 Dhjetor të vitit të kaluar nga Maqedonia e Veriut e cila është vend depozitar”, shtoi ai.
Sipas tij, marrëveshjet hyjnë në fuqi 30 ditë pas depozitimit të njoftimit të tretë zyrtar të ratifikimit.
“Pra duhet që së paku tre shtete të dorëzojnë instrumentet e ratifikimit tek shteti depozitar dhe 30 ditë pas këtij njoftimi marrëveshjet konsiderohen që janë në fuqi për shtetet që kanë dorëzuar instrumentet e ratifikimit”, përfundoi ai.
Për këtë çështje, Teve1.info u ka dërguar pyetje edhe Parlamentit të Bosnjës dhe Hercegovinës, mirëpo të njëjtit deri më tani ende nuk kanë kthyer përgjigje.
I ashtuquajturi Proces i Berlinit është një format i takimeve vjetore të iniciuara nga Qeveria gjermane qysh në vitin 2014, kur në Berlin është mbajtur një konferencë për Ballkanin Perëndimor.
Qëllim i tij është të forcojë bashkëpunimin e Bashkimit Evropian me Ballkanin Perëndimor dhe të përshpejtojë integrimin e tij në BE.
Të tjera
-
100 litra shi për metër katror – Jugu i Gjermanisë i rrezikuar nga përmbytjet e shekullit
100 litra shi për metër katror- Frikë nga përmbytjet në jug të Gjermanisë ...
-
Osmani kishte takuar djalin e Afrim Bunjakut dhe disa fëmijë të tjerë për nder të 1 Qershorit
Presidentja Vjosa Osmani kishte takuar disa fëmijë, përfshirë edhe djalin e h...
-
Vdes ish-komandanti i UÇK-së nga Drenasi, Zejnullah Prokshi
Komandanti i Brigadës 114 dhe bashkëluftëtari i Adem e Hamëz Jasharit e shumë...
-
Analiza e EUISS: Një sy vigjilent të mbahet në Veri, Perëndimi të angazhohet, ndryshe ka rrezik për eskalim
Instituti i Bashkimit Evropian për Studime të Sigurisë kanë publikuar një ana...
-
Gjenerali amerikan viziton Batalionin e Manovrimit në kampin e KFOR-it në “Novo Sellë”
Shefi i Stafit të misionit të KFOR-it, gjenerali amerikan Arthur J Graffer, k...
-
Reforma në Trafikun Urban, këto janë risitë që po synohen
Urban, po synohet që të unifikohet bileta e udhëtimit, blerja e autobusëve të...
-
52 aksidente brenda 24 orëve
Gjatë 24 orëve të fundit janë raportuar 16 aksidente trafiku me të lënduar, d...
-
Osmani takohet me dy zyrtaret amerikane në San Salvador, flasin për sigurinë e partneritetin mes dy vendeve
Presidentja Vjosa Osmani ka njoftuar se është takuar me nën-sekretaren e Shte...
-
Deputetët serbë paguhen pa shkuar në seanca, mbi 300 mijë euro nga dhjetori i vitit 2022
Mbi 300 mijë euro është vlera e pagave të dhjetë deputetëve serbë nga dhjetor...
-
Uniformat policore, Sveçla: Serbia është përgjegjëse për tentativën e destabilizimit dhe aneksimit të veriut
Ministri i Punëve të Brendshme, Xhelal Sveçla, ka reaguar pasi policia dje n...
-
Iu gjeten 3 mijë euro false, arrestohet një person në Fushë Kosovë
Policia e Kosovës ka njoftuar se janë gjetur 34 kartëmonedha nga 100 euro të ...
-
Dhuratat që i shkëmbyen Kurti dhe Erdogan gjatë takimit në kompleksin presidencial turk
Kryeministri I Kosovës Albin Kurti është takuar sot me Presidentin e Turq...