Paralajmërimi i xhaxhait të Visart Cengut: Nëse Kobra lirohet nga burgu, përballet me reagim tonë
Autori: Gazeta inFokus 20:09 | 04 January 2023
Visart Cengu u përcoll sot për në banesën e fundit në Kukës. Ai kishte ardhur nga Franca për festat e fundvitit.
Pasi kaloi natën e ndërrimit të viteve me familjen, prindërit dhe tre motrat, të hënën u nis për në Prizren me dy shokë për një darkë. Por mbrëmja në lokalin e natës “Kobra” në Prizren rezultoi fatale.
Dyshohet se Dibran Hoxhaj pas një sherri në lokal e qëlloi duke e lënë të vdekur dhe i plagosur mbeti shoku i tij. Xhaxhai i viktimës, Besim Cengu në një intervistë për “5pyetjet.al” rrëfen detaje të tjera të pathëna.
Ai ka një paralajmërim nëse autori i krimit, Dibran Hoxhaj i njohur si “Kobra” do të dalë nga qelia, sikur ka ndodhur më parë për krimet për të cilat është akuzuar.
Përse shkoi nipi me dy shokët në Prizren?
Nipi ka qenë emigrant. Është kthyer nga Franca para një muaji. Është djali i vetëm. Pas festës në shtëpi me prindërit dhe tre motrat iku në Prizren me dy shokë moshatarë, që i ka edhe fqinj. Shkuan të konsumonin një darkë meqë ishin ditët e pushimit.
A mendoni se qëndron versioni që konflikti ka nisur për faturën?
Kjo është një version i atij djalit atje për të dalë nga situata. Është version i atyre. Këta kanë shkuar kanë ngrënë darkë dhe nuk kanë paguar faturën? Kjo është skandaloze. Nuk ndodh. Por ka një problem, personi që ka kryer krimin, është me më shumë se 35 precedentë.
A mendoni se do të ketë drejtësi apo autori do të dalë nga burgu sikur ka ndodhur më parë?
Fëmijët tanë nuk ishin të armatosur. Ai ka pasur truproja. Kur ke “mashën pse djeg duart”? Unë e njoh atë vend komplet. Të gjitha lokalet në periferi të Prizrenit janë të infektuara, ose janë lokale nate, shfrytëzohen prostituta dhe e dyta aty është edhe elementi i krimit, armës. Këta (djemtë) nuk e kanë ditur këtë formë, kanë shkuar për një darkë dhe ngecën në atë vend.
Çfarë ndodh nëse autori del nga burgu?
Unë e njoh shumë mirë situatën aty. Ne jemi në një periudhë ku duhet të zgjojmë ndërgjegjen tonë, jo vetëm qytetare por edhe qeverisje së dy krahëve, që duke lënë këta njerëz jashtë, këta me siguri do të ndikohen negativisht tek krahu tjetër. Nëse do ta nxjerrës vrasësin e djalit me siguri do të nxitet krahu tjetër. Kur merret masa amortizohet situata. Ky nuk është kërcënim. Duhet drejtësi.
Kurrë më figura të kësaj natyre. Janë mbeturina orientale. Personi ka mbi 10 vite ecën edhe i veshur si oriental, po përdhos edhe mentalitetin religjioz, futet në xhami dhe falet, na jep mend ne. Kjo është e tmerrshme. Ky është personi, që ka menaxhuar një femër me një emër arme (Kallashi). Nëse ai del nga burgu, do të zgjojë tek ne reagimin me siguri. Nuk janë larg. Janë shumë afër. Prej fshatit ku është ky djali, autori unë jam stërnip.
Nëse nga pala tjetër do të kishte iniciativë, do t’i prisnit për ta dëgjuar?
Nuk e besoj. Nëse gjykoj këtë veprimin e fundit të atij djalit, nëse e gjykojmë se ka ardhur si rezultat i një kulture edukimi nga ajo familje, është shumë e vështirë me pasur burra prej atyre me ardhur me diskutuar. Ne nuk jemi familje patriarkale. Ne edhe tolerojmë edhe gjykohet, edhe di të flasë dhe gjykojë. Ne nuk do të fillojmë luftën.
Ne jemi një komb, popull dhe mentalitet, ky është rast i veçuar. Nuk mund të na komandojnë këta njerëz. Këta kokëqethur, me zinxhir sa një gisht në qafë. Mjaft më me këta njerëz. Nuk mund ta ngrenë zvarrë popullin si ky ordiner. I mbylli derën vëllait. I kanë mbetur tre motra, prindi dhe nëna e vet krahëthatë. Si mundet që të dalë prapë ky njeri dhe të qarkullojë prapë, kjo do të ishte skandaloze. Dobësia më e madhe e shtetit në Kosovë.
Të tjera
-
Gjakovë, tre të lënduar në aksidentin midis traktorit dhe motoçikletës
Një aksident trafiku me lëndime ka ndodhur mbrëmë rreth orës 21:05 në Gjakovë...
-
Osmani, Kurti e Konjufca bashkë me Jasharin, Robertsonin e Walkerin para seancës solemne
Presidentja e Kosovës, Vjosa Osmani, bashkë me kryeministrin Albin Kurti, kry...
-
Nis seanca solemne e Kuvendit për 25-vjetorin e çlirimit të Kosovës
Kuvendi i Kosovës, nisi seancën solemne në shënim të 25-vjetorit të Ditës së ...
-
Osmani: Kosova dhe Shqipëria, bashkë në ditë të vështira e në ditë të mira
Presidentja e Kosovës, Vjosa Osmani, ka pritur në takim mëngjesin e sotëm, ho...
-
Sot i jepet lamtumira e fundit 17-vjeçares që humbi jetën pas vetaksidentit me motoçikletë në Drenas
Familja Hajdari nga fshati Dobroshec i Drenasit, ka njoftuar qysh mbrëmë për ...
-
Ish-presidenti Clinton publikon videon pas su*mit 78 ditësh të NATO-s ndaj Serbisë: Sot falënderoj për 25 vjet paqe në Kosovë
Ish-presidenti amerikan, Bill Clinton, miku i madh i shqiptarëve ka kujtuar m...
-
Fjalimi i fuqishëm i Hisen Berishës në luftën çlirimtare
Hisen Berisha ka qenë një nga komandantët më të zot në luftën çlirimtare ndaj...
-
“Ndryshoi jetën time”, ushtari i KFOR-it kujton momentin e hyrjes në Kosovë 25 vite më parë
Njëri prej ushtarëve të KFOR-it që kishte shërbyer atë kohë në Kosovë, Kennet...
-
Në Ditën e Çlirimit inaugurohet statuja e Tony Blairit në Ferizaj
Statuja e ish-kryeministrit britanik, Tony Blair do të inaugurohet sot në Fer...
-
Vjosa Osmani nis 25 vjetorin e çlirimit të Kosovës me presidentin e Shqipërisë
Presidentja Vjosa Osmani, ka nisur sot ditën në 25 vjetorin e çlirimit të Kos...
-
24-vjeçari brenda pak minutave gjobitet dy herë nga policia, një herë 300 euro dhe pastaj 500
Policia e Kosovës në magjistralen Prishtinë-Ferizaj ka ndaluar ditën e so...
-
“Keni 30 minuta të largoheni”- Videoja historike e gjeneralit gjerman me trupat serbe në Prizren
Jakub Bielamowicz, njohës i çështjes së Ballkanit Perëndimor, ka rikthyer në ...