Lajme

Fjalimi i Haradinajt në 2015 kundër Gjykatës Speciale: A e dini që sot e kësaj dite ne shkojmë deri në Merdare me prit eshtna

Autori: Gazeta inFokus 15:03 | 16 December 2022

Kreu i Aleancës për Ardhmërinë e Kosovës, Ramush Haradinaj, kishte dalur hapur kundër Gjykatës Speciale në vitin 2015. Në një fjalim të tij atëkohë, Haradinaj e kundërshtonte hapur krijimin e kësaj gjykate, teksa bënte thirrje që kjo gjykatë të mos votohej.

“Ne jemi për ligj, ne jemi që t’i shqyrtojmë të gjitha dyshimet, ne nuk jemi kundër hetimeve që kanë ndodhur e që mund të ndodhin në të ardhmen dhe dojmë me i ballafaqu krejt ata që kanë kry çkado që kanë kry, kundër kujdo qoftë, pa marrë parasysh përkatësinë etnike, por nuk mujmë me vazhdu me qenë monstrum. Duhet me ndodh në Kosovë, me ligje të Kosovës, Qeveria e Kosovës ishte dashtë sot me i nda këto amandamente, me i marrë prapa, me ba një ofertë për bashkësinë ndërkombëtare me thanë urdhëroni, do ta bëjmë në Kosovë gjykatën, dojmë me e ba vetë edhe ndonjë ekspert nëse na sillni, nuk jemi kundër, Gjyqtar, prokuror do t’i bëjmë në bazë të ligjeve, në procedura të rregullta, me shqyrtu krejt. Me i shqyrtu të gjitha krimet e supozuara”, ka thënë Haradinaj gjatë këtij fjalimi.

Ndër tjerash ai flet edhe për eshtrat e të zhdukurve dhe bën thirrje që kjo gjykatë të mos votohet.

-Advertisement-

“A e dini që sot e kësaj dite ne shkojmë deri në Merdare me prit eshtna? Rezultat i kësaj, Aleanca nuk e voton këtë Gjykatë. I bëj thirrje deputetëve mos e votoni, nuk duhet me e votu këtë Gjykatë”, thuhet në fjalimin e kreut të AAK-së.

VIDEO:

Subscribe në YouTube: GAZETA INFOKUSI