Lajme

Harta e udhëtimeve e fut Veriun në nivel të rrezikshmërisë mesatare, nuk preferohet shëtitja në atë pjesë

Autori: Gazeta inFokus 09:24 | 15 December 2022

Kompania ndërkombëtare për shërbime të shëndetit dhe sigurisë “International SOS”, ka krijuar një hartë për të paralajmëruar udhëtarët dhe pushuesit për rreziqet në destinacione të caktuara.

Rrezikshmëria është përcaktuar në pesë nivele përmes ngjyrave, si i parrezikshëm, rrezik i ulët, rrezik mesatar, rrezik i lartë dhe rrezik ekstrem.

Me rrezik mesatar, në këtë hartë është futur edhe veriu i Kosovës, ku aktualisht janë ngritur tensione si rezultat i vendosjes së barrikadave nga serbët.

-Advertisement-

Në ngjyrën e verdhë të fortë, që paraqet rrezikun mesatar, janë përfshirë Mitrovica dhe Zveçani.

Po ashtu, nivel mesatar rrezikshmërie, kompania ka përfshirë edhe Luginën e Preshevës dhe Sanxhakun. – Advertisement –

Ndërkohë, në tërë rajonin, niveli i rrezikshmërisë për të udhëtuar, është vlerësuar i ulët sikurse në pjesët tjera të Kosovës, duke e përjashtuar veriun.

“Niveli i rrezikshmërisë vlerëson rrezikun që paraqitet ndaj punëtorëve nga dhuna politike (përfshirë terrorizmin, kryengritjet, protestat e motivuara politikisht dhe luftërat) si dhe dhunën e shkaktuar nga krime më të vogla”, thuhet në shpjegimin e dhënë nga organizata.

Në këtë raport, sugjerohet që ndryshimi më i madh në hartë ka ndodhur në vitin 2021 për shkak të luftës që ka nisur në Ukrainë.

Subscribe në YouTube: GAZETA INFOKUSI