Lajme

Turqi: Një imam marton vajzën e tij 6-vjeçare me një 29-vjeçar

Autori: Gazeta inFokus 14:20 | 14 December 2022

Ministrja turke e Familjes dhe Shërbimeve Sociale, Derya Yanık, ka thënë se ministria e saj ka kërkuar arrestimin e tre të dyshuarve në gjyq për një rast abuzimi me fëmijët që tronditi Turqinë javën e kaluar.

“Ne kemi kërkuar një proces arrestimin dhe gjykimin e abuzuesve. Ne nuk mund të tregojmë mëshirë (për të dyshuarit). Gjykimi me arrest është një nga masat e procedimit. Gjykata ka fuqinë e diskrecionit,” tha Yanık në komentet e bëra për transmetuesin turk NTV më 13 dhjetor.

Ajo tha se Ministria e Drejtësisë dhe Ministria e Shëndetësisë kishin iniciuar një hetim për rastin dhe se edhe ministria e saj do të përfshihej në këto hetime.

-Advertisement-

Javën e kaluar, Turqia u trundit nga raportimi skandaloz se një nga drejtuesit e komunitetit islamik İsmailağa, Yusuf Ziya Gümüşel, kishte “martuar” vajzën e e tij në moshën gjashtë vjeçare.

Gazetari Timur Soykan më 3 dhjetor filloi të publikojë serinë e tij të raportimeve në lidhje me historinë tronditëse. Zemërimi i publikut ka vazhduar të rritet që atëherë.

HKG, e cila është vajza e Yusuf Ziya Gümüşel, themeluesit të Fondacionit Hiranur të lidhur me Komunitetin İsmailağa, paraqiti një kallëzim penal për prindërit e saj.

Tani 24 vjeçe dhe e divorcuar, gruaja tha se babai i saj Yusuf Ziya Gümüşsel dhe nëna e saj Fatıma Gümüşel e kishin “martuar” në moshën 6-vjeçare me Kadir İstekli, një nga ndjekësit e Komunitetit İsmailağa. Ajo tha se ishte abuzuar seksualisht gjatë gjithë fëmijërisë së saj.