Lajme

Lajçak përballë Vuçiqit në Beograd, diskutohet edhe për kthimin e serbëve në institucione

Autori: Gazeta inFokus 19:32 | 05 December 2022

Emisari Special i Bashkimit Evropian për dialogun Kosovë-Serbi, Miroslav Lajçak ka qëndruar sot në Beograd, ku është pritur për takim nga presidenti serb, Aleksandar Vuçiq.

Me të, Lajçak ka diskutuar për dialogun, kthimin e serbëve në institucione dhe tema të tjera.

“Në Beograd, sot diskutuam për rrugën përpara drejt normalizimit si vazhdim i debatit për Dialogun me presidentin Aleksandar Vuçiq. Folëm edhe për çështjet aktuale, përfshirë kthimin e servëve të Kosovës në institucione, udhërrëfyesin për energjinë dhe perzonat e zhdukur”, ka njoftuar Lajçak.

-Advertisement-

Ditë më parë, në një intervistë, Lajçak kishte bërë të ditur se ka në plan t’i diskutojë komentet e dy shteteve, Kosovës dhe Serbisë, mbi planin e BE-së për normalizimin e plotë të marrëdhënieve, i njohur si plani franko-gjerman.

Lajçak kishte thënë se pas diskutimeve të nevojshme, do të përgatitet takimi i radhës mes Kryeministrit Albin Kurti dhe Presidentit Aleksandar Vuçiq.

Është raportuar se Lajçak nesër do të qëndrojë për vizitë në Prishtinë, mirëpo një gjë e tillë nuk është konfirmuar ende nga Lajçak e as nga Qeveria e Kosovës. 

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme