Lajme

“S’jam Nostradamus, jam zv/kryeministër, s’ka dakordim me Serbinë” – Bislimi sërish s’mund ti durojë pyetjet e gazetarëve

Autori: Gazeta inFokus 12:06 | 16 November 2022

“Nuk ka asnjë marrëveshje” tha zv/kryeministri Besnik Bislimi me një mosdurim të thellë ndaj pyetjeve të gazetarëve rreth asaj se a ka një pajtim për çështjen e targave në dialogun e fascilituar nga BE’ja mes Kosovës dhe Serbisë, shkruan gazeta online Reporteri.net.

Bislimi, disponimi i të cilit kur i bëhet pyetje nga gazetarët për çështje të dialogut është i një niveli të lartë acarimi, përsëri “u kafacyt” me gazetarët të cilët i kërkuan të paraqet një tablo të ngjarjeve.

“Rriteni pak serioziten”, ua kthen Bislimi një grumbulli gazetarësh.

-Advertisement-

Pyetur se çfarë ndodh pas të hënës (21 dhjetorit), zv/kryeministri tha se “vjen e martja”, dhe se “nuk jam Nostradamus” teksa edhe ia ktheu një gazetari simetrikisht se “a e di ti se çka me ndodh?”.

“Ka elemente që kemi diskutu për mundësinë e daljes nga kriza, por s’ka dakordim”, tha Besnik Bislimi.

Të marten, ndërmjetësi evropian për dialog, Miroslav Lajçak tha se me kryenegociatorin kosovar Besnik Bislimi është në zhvillim e sipër të bisedimeve për gjetjen e një zgjidhje për çështjen e targave.

“Urgjentisht na duhet në zgjidhje për të garantuar sigurinë dhe stabilitetin në terren”, shkroi Lajçak në Twitter.

Çfarë përshkallëzimi të situatës në ndonjë formë të dhunës, Miroslav Lajçak tha se “është e papranueshme”.

With DPM @BislimiBesnik today, I am discussing the current crisis in the relations between Kosovo and Serbia, in particular the issue of licence plates. We urgently need to find a solution to ensure safety and stability on the ground. Any escalation or violence is unacceptable. pic.twitter.com/kofh0I1i0c

— Miroslav Lajčák (@MiroslavLajcak) November 15, 2022