ZPS njofton gjykatën se kur janë planifikuar të largohen redaktimet në aktakuzën ndaj Thaçit e të tjerëve
![](https://gazetainfokus.com/wp-content/uploads/2022/11/rr.jpg)
Autori: Gazeta inFokus
11:28 | 01 November 2022
Zyra e Prokurorit të Specializuar (ZPS), përmes një shkrese ka njoftuar gjykatën se kur janë planifikuar të largohen redaktimet në aktakuzën ndaj Hashim Thaçit, Kadri Veselit, Jakup Krasniqit dhe Rexhep Selimit, por se kjo informatë nuk është bërë e ditur për publikun.
“Në bazë të Urdhrit, Zyra e Prokurorit të Specializuar paraqet një njoftim se kur janë planifikuar të largohen redaktimet në Aktakuzën e CRV2 në përputhje me masat mbrojtëse në fuqi. Aneksi 1 është rreptësisht konfidencial dhe ex parte dhe Aneksi 2 është konfidencial në përputhje me Rregullën 82(4) dhe për t’i dhënë efekt masave ekzistuese mbrojtëse”, thuhet në këtë shkresë, raporton “Betimi për Drejtësi”.
Zyra e Prokurorit të Specializuar, më 30 shtator ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit. Kjo pasi, gjykatësi e kishte aprovuar pjesërisht mocionin e mbrojtjes së Hashim Thaçit, të parashtruar ndaj aktakuzës së ndryshuar në rastin ku ai me Kadri Veselin, Jakup Krasniqin e Rexhep Selimin, po akuzohen për krime lufte dhe ZPS ishte urdhëruar të bëjë ndryshime në aktakuzën e ndryshuar.
Në këtë aktakuzë, thuhet se përmes veprimeve dhe mosveprimeve të përshkruara më lart, Hashim Thaçi, Kadri Veseli, Rexhep Selimi dhe Jakup Krasniqi, kanë kryer përmes pjesëmarrjes së tyre në një ndërmarrje të përbashkët kriminale dhe/ose kanë ndihmuar dhe nxitur krimet e ngarkuara në këtë aktakuzë.
Sipas prokurorisë, krahas kësaj ose në alternativë, Hashim Thaçi, Kadri Veseli, Rexhep Selimi dhe Jakup Krasniqi janë përgjegjës si eprorë për krimet e kryera nga vartësit e tyre.
Tutje, aktakuza thotë se Thaçi, Veseli, Selimi dhe Krasniqi, e dinin ose kishin arsye të dinin se krimet e akuzuara në këtë aktakuzë ishin gati të kryheshin ose ishin kryer nga vartësit e tyre dhe nuk kishin marrë masat e nevojshme dhe të arsyeshme për parandalimin e krimeve të tilla ose të ndëshkojnë autorët e saj.
“Hashim Thaçi, Kadri Veseli, Rexhep Selimi dhe Jakup Krasniqi individualisht penalisht përgjegjës për: pikën 1 persekutim mbi baza politike dhe/ose etnike, krim kundër njerëzimit, i dënueshëm sipas nenit 13 (1) (h), 16 (1) ( a), dhe 16 (1) (c) të Ligjit; Pika 2: burgim, krim kundër njerëzimit, i dënueshëm sipas neneve 13 (1) (e), 16 (1) (a) dhe 16 (1) (c) të Ligjit; pikën 3 arrestimi dhe paraburgimi i paligjshëm ose arbitrar, krim lufte, i dënueshëm sipas neneve 14 (1) (c), 16 (1) (a), dhe 16 (1) (c) të Ligjit”, thuhet në aktakuzë nga ana e prokurorisë.
Në pikën 4, ata ngarkohen me veprën akte tjera çnjerëzore, krim kundër njerëzimit, i dënueshëm sipas neneve 13 (1) (j), 16 (1) (a) dhe 16 (1) (c) të Ligjit, kurse në pikën 5 për trajtim mizor, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit.
“Pika 6: torturë, krim kundër njerëzimit, i dënueshëm sipas neneve 13 (1) (f), 16 (1) (a) dhe 16 (1) (c) të ligji; Pika 7: torturë, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 8: : vrasje, krim kundër njerëzimit, i dënueshëm sipas neneve 13 (1) (a), 16 (1) (a) dhe 16 (1) (c) të Ligjit; Pika 9: vrasje, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 10: zhdukja e detyruar e personave, krim kundër njerëzimit, i dënueshëm sipas neneve 13 (1) (i), 16 (1) (a) dhe 16 (1) (c) të Ligjit”, thotë aktakuza.
Ndryshe, gjykatësi paraprak, më 29 shtator, miratoi kërkesën e Prokurorit të Specializuar për tërheqjen e pretendimeve për krime ndaj të paktën një viktime në Komunën e Ferizajt.
Më 29 prill, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit.
Prokuroria po pretendon se katër të akuzuarit kanë kryer krime lufte edhe në Gjilan, Budakovë e Semetishtë.
Në aneksin e publikuar sa i përket krimeve që pretendohen se ndodhën në Semetishtë dhe Budakovë, prokuroria ka listuar krimet e luftës si arrestimi dhe ndalimi i paligjshëm ose arbitrar, trajtim mizor ose çnjerëzor, torturë, vrasje. Ndërkaq, si krime kundër njerëzimit i ka listuar burgimin, vepra të tjera çnjerëzore, torturën, vrasjen, zhdukjen e personave me forcë dhe persekutimin.
Kurse, për krimet që pretendon që ndodhën në Gjilan, si krime lufte i ka listuar arrestimi dhe ndalimin e paligjshëm ose arbitrar, trajtimin mizor ose çnjerëzor, torturën dhe vrasjen. Ndërsa, si krime kundër njerëzimit ka listuar burgimin, vepra të tjera çnjerëzore, torturën, vrasjen dhe persekutimin.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë.
Njëjtë është deklaruar edhe Veseli në paraqitjen e tij më 10 nëntor, sikurse edhe Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë.
“Ndër këta kundërshtarë përfshiheshin persona që ishin, ose që konsideroheshin se kishin qenë: (a) bashkëpunëtorë ose të lidhur me forca, zyrtarë ose institucione shtetërore të RFJ-së, ose që (b) ndryshe nuk mbështetnin qëllimet ose metodat e UÇK-së dhe më vonë të QPK-së, ndër të cilët persona të lidhur me LDK-në dhe serbë, romë dhe persona të kombësive të tjera (bashkërisht, ‘kundërshtarët’). Ky qëllim i përbashkët përfshinte krimet e përndjekjes, burgosjes, arrestimit dhe ndalimit arbitrar ose të paligjshëm, akte të tjera çnjerëzore, trajtimin mizor, torturën, vrasjen dhe zhdukjen me forcë të personave”, thuhet në aktakuzë.
Tutje, në aktakuzë përmenden edhe Azem Syla, Lahi Brahimaj, Fatmir Limaj, Sylejman Selimi, Rrustem Mustafa, Shukri Buja, Latif Gashi dhe Sabit Geci.
Sipas aktakuzës, të akuzuarit bashkë me udhëheqësit tjerë të UÇK-së kontribuuan në arritjen e qëllimit t përbashkët.
“Si alternativë, disa ose të gjithë këta individë nuk ishin anëtarë të ndërmarrjes kriminale të përbashkët, por u përdorën nga anëtarë të ndërmarrjes kriminale të përbashkët për të kryer krime për realizimin e qëllimit të përbashkët (së bashku me anëtarët e NKP-së, bashkërisht ‘anëtarët dhe instrumentet e NKP-së’)”, thotë akti akuzues. /BetimipërDrejtësi
![](https://gazetainfokus.com/wp-content/uploads/2024/02/Foto-Kryesore.png)
Të tjera
-
Aksident mes dy veturave në Drenas, njëra përfundon e rrokullisur jashtë rrugës
Një aksident i rëndë ka ndodhur pasditen e sotme në Drenas. Në aksident ja...
-
”Zorani, ish polici serb ka qenë dhëndër i Reçakut”, kërkohet nga Tomë Gashi që të kërkojë falje për këtë shpifje.
Avokati Tomë Gashi, ka lëshuar një deklaratë e cila ka ngjallur reagime të as...
-
Policia sekuestron 3,250 pako cigare të kontrabanduara në Gjakovë
Policia ka sekuestruar një sasi të konsiderueshme të cigareve të kontrabandua...
-
Kamioni gòdet për vďekje 11-vjeçarin shqiptar në Zvicër
Një 11-vjeçar shqiptar nga Maqedonia e Veriut ka humbur jetën pasi është godi...
-
Një familje shqiptare akuzohet se grabiti 33 shtëpi në Angli, mes tyre edhe atë të futbollistit të Chelseas
Një familje shqiptare hajdutësh përdori shkallë për të hyrë në shtëpinë e fut...
-
Gërvalla për KiE: Kosova duhet të tejmbush kushtet për anëtarësim që t’i ketë shanset e njejta me vendet tjera
Shefja e diplomacisë kosovare, Donika Gërvalla-Schwarz, po qëndron në Kroaci ...
-
Komuna e Dragashit ka disa njoftime të rëndësishme për qytetarët
Komuna e Dragashit ka formuar Shtabin Komunal të Emergjencave si dhe Komision...
-
Zëvendës-ministri Zogiani: Subvencionimin nga polica kufitare nuk e përfitojnë autobusët, kamionët dhe motoçikletat
Zëvendësministri i Ambientit, Planifikimit Hapësinor dhe Infrastrukturës, Avn...
-
Mërgimtarët, të gatshëm të paguajnë gjobën e UEFA-s për flamurin e UÇK-së në “Euro 2024”
Gjatë fazës së grupeve të Kampionatit Evropian, tifozët e Natit bënë vetëm ti...
-
Parlamenti i Malit të Zi miraton rezolutën për Jasenovcin, Kroacia reagon ashpër
Parlamenti i Malit të Zi miratoi mesnatën e së premtes, me votat e 41 deputet...
-
Qeveria e Kosovës tregon se çka nuk përfshihet në subvencionimin e policës kufitare për mërgimtarët
Ministri i Finanacave Hekuran Murati ka njoftuar sot për atë se çka mbulon Qe...
-
Daçiq konfirmon plagosjen e pjesëtarit të xhandarmërisë serbe, e quan akt terrorist
Ministri i Punëve të Brendshme të Serbisë, Ivica Daçiq, ka deklaruar sot se n...