Lajme

LAJMI I FUNDIT: Vidhen stoli në vlerë prej 10 mijë eurosh në Ferizaj

Autori: Gazeta inFokus 09:28 | 31 October 2022

Në fshatin Softaj të Ferizajt janë vjedhur stoli, vlera e të cilave është gjithsej 10 mijë euro, shkruan Gazeta Infokus.

Këtë për Infokus e ka konfirmuar zëdhënësi i policisë për rajonin e Ferizajt, Kanun Veseli.

Ai tha se të dyshuarit me forcë kanë depërtuar brenda shtëpisë ku nga aty kanë vjedhur edhe një armë zjarri që pronari e kishte me leje.

-Advertisement-

“Me datën 30.10.2022 rreth orës 15:20 kemi pranuar një informacion nga personi F.Z i moshës 30-vjeçar për një rast vjedhje e rëndë në fshatin Softaj të Ferizajt .Policia e stacionit në Ferizaj, hetuesit policor i kanë marrë veprimet e nevojshme , kanë dalë në vendin e ngjarjes dhe kanë nisur hetimet. Dyshohet se persona të panjohur, me forcë kanë depërtuar brenda shtëpisë dhe nga aty kanë vjedhur një armë zjarri ,pistoletë me leje dhe stoli ari rreth 10 mijë euro. Policia po punon intensivisht për të zbardhur sa më shpejtë rastin”, deklaroi Veseli për Infokus.

/Gazeta Infokus/

Subscribe në YouTube: GAZETA INFOKUSI