Lajme

Reagon edhe Blinken: Jam i zhgënjyer me Qeverinë e Kosovës

Autori: Gazeta inFokus 20:23 | 28 October 2022

Numri tre i administratës amerikane, Antony Blinken është shprehur i zhgënjyer me Qeverinë e Kosovës, e cila ka refuzuar t’i respektojë kërkesat e partnerëve ndërkombëtarë për të shtyrë për 10 muaj zbatimin e vendimit për targat.

Blinken i ka thënë mediumit The Pavlovic Today se Kosova ka të drejtë që ta implementojë vendimin nën Marrëveshjen e Brukselit, por se kërkesa që të shtyhet afati, u refuzua nga kryeministri Kurti.

“Shtetet e Bashkuara të Amerikës janë të zhgënjyera dhe të shqetësuara që Qeveria e Kosovës ka refuzuar kërkesën e partnerëve ndërkombëtarë”, ka thënë sekretari amerikan.Tutje sipas mediumit në fjalë, Blinken ka kërkuar nga Kosova dhe Serbia që urgjentisht të punojnë për arritjen e një marrëveshje, me qendër njohjen reciproke.

-Advertisement-

“Është e rëndësishme që të dyja palët të reduktojnë retorikën nxitëse dhe të ndërmarrin veprime që tregojnë përkushtimin e tyre për një bashkëpunim konstruktiv që të sigurohet një e ardhshme stabile për rajonin”, ka thënë ai.

 

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme