Pothuajse 1 vit asnjë seancë ndaj deputetit Valon Ramadani, gjykata arsyetohet me numrin e madh të lëndëve
![](https://gazetainfokus.com/wp-content/uploads/2022/10/23-852x460.jpg)
Autori: Gazeta inFokus
10:52 | 09 October 2022
Edhe pse kanë kaluar më shumë se 10 muaj që kur Gjykata e Apelit ka konfirmuar aktakuzën për deputetin nga radhët e Lëvizjes Vetëvendosje, Valon Ramadani, seanca e radhës për këtë rast ende nuk është caktuar.
I njëjti akuzohet nga Prokuroria Themelore e Prishtinës për hedhjen e gazit lotsjellës në Kuvendin e Kosovës dhe pengimin e personave zyrtar në kryerjen e detyrës zyrtare, raporton “Betimi për Drejtësi”.
Mirlinda Gashi, zëdhënëse për informim e Gjykatës Themelore në Prishtinë për “Betimi për Drejtësi”, ka thënë se arsyeja e moscaktimit ende të seancës për këtë rast është numri i madh i lëndëve në këtë gjykatë.
“Kemi kërkuar informacione nga gjyqtarja e kësaj çështje dhe nga e njëjta jemi informuar se kjo lëndë ende nuk është caktuar, për shkak të numrit të madh të lëndëve, prej të cilave një numër i konsiderueshëm i tyre janë të natyrës urgjente dhe duhet të trajtohen me prioritet (sipas planit strategjik të KGJK-së)”, tha Gashi për “Betimi për Drejtësi”.
Përndryshe kjo lëndë është duke u gjykuar nga gjykatësja e Departamentit të Përgjithshëm Anita Krasniqi-Prenaj.
Për këtë rast, më 13 korrik 2021 në Gjykatën Themelore në Prishtinë, ishte mbajtur seanca fillestare në të cilën deputeti Ramadani ishte deklaruar i pafajshëm për veprat penale që i vihen në barrë.
Gjykata e shkallës së parë me aktvendimin e datës 8 shtator 2021 kishte refuzuar si të pabazuar kërkesën për hudhje të aktakuzës të parashtruar nga mbrojtësi i të pandehurit Ramadani, me arsyetimin se pretendimet e të njëjtit janë të paqëndrueshme, të paargumentuara dhe të pambështetura në ndonjë arsye konkrete.
Kundër këtij vendimi, në Gjykatën e Apelit ankesë kishte ushtruar mbrojtësi i të akuzuarit Valon Ramadani, avokati Naser Sopjani.
Ndërsa, Gjykata e Apelit më 8 tetor 2021 kishte nxjerr aktvendim me të cilin kishte refuzuar si të pabazuar ankesën e avokatit Sopjani me ç’rast kishte konfirmuar aktakuzën ndaj Ramadanit.
Ndryshe, Prokuroria Themelore në Prishtinë, më 30 korrik 2019, ka ngritur aktakuzë ndaj Valon Ramadanit, me arsyetimin se ka kryer dy vepra penale dhe atë “përdorimi i armës apo mjetit të rrezikshëm”, nga neni 375, paragrafi 1 të KPRK-së si dhe për “pengim i personit zyrtar, në kryerjen e detyrës zyrtare”, nga neni 409, paragrafi 1 të KPRK-së.
Sipas aktit akuzues, më 21 mars 2018, në Prishtinë, saktësisht në sallën e Kuvendit të Republikës së Kosovës, i akuzuari Ramadani, deputet i Kuvendit të Republikës së Kosovës, në shkelje me ligjin e zbatueshëm lidhur me armët, ka përdorur armë, në atë mënyrë që ka ndezur dhe ka hedhur një bombolë të gazit lotsjellës gjatë zhvillimit të seancës së jashtëzakonshme.
Në aktin akuzues thuhet se në kohën, vendin dhe mënyrën e lartcekur, i akuzuari Ramadani ka penguar personat zyrtar në kryerjen e detyrës zyrtare, përkatësisht deputetët e Kuvendit të Republikës së Kosovës, në mënyrë që ka përdorur gazin lotsjellës dhe janë ndërprerë punimet e seancës së jashtëzakonshme të Kuvendit të RKS-së.
![](https://gazetainfokus.com/wp-content/uploads/2024/05/Screenshot_1-8.jpg)
Të tjera
-
Përfshihet nga zjạrri një banesë në Fushë Kosovë, nuk ka të lënduar
Një banesë në Fushë Kosovë është përfshirë nga zjarri mëngjesin e së enjtes. ...
-
Jasharaj: Viti i ri shkollor do të nisë me telashe, gjatë shtatorit vendosim për protesta apo greva
Viti i ri shkollor do të nis normalisht, pasi SBASHK-u thotë se nuk kanë ndon...
-
Rohde vlerëson vendosmërinë e Osmanit në mbrojtje të vlerave të BE-së
Ambasadori i Gjermanisë në Prishtinë, Jorn Rohde, ka vlerësuar angazhimin e p...
-
SPMT: Shumica e minatorëve që u larguan nga menaxhmenti i Trepçës, kishin dhënë dorëheqje
Sindikata e Pavarur e Minatorëve të Trepçës ka thënë se minatorët të cilëve s...
-
“Sot unë, Polic i Kosovës”, disa fëmijë njihen me përgjegjësitë e profesionit të policit
Ministri i Brendshëm, Xhelal Sveçla, bashkë me ministrin e Administrimit ...
-
Maqedonci dhe Jashari presin në takim lamtumirës Gecin, e nderojnë për “Shërbim të Shquar”
Ministri i Mbrojtjes, Ejup Maqedonci së bashku me komandantin e Forcës së Sig...
-
KRU “Prishtina” u bën thirrje konsumatorëve t’i instalojnë ujëmatësit individual
Kompania Rajonale e Ujësjellësit “Prishtina”, ka njoftuar konsumatorët që ësh...
-
Nis digjitalizimi i procesit zgjedhor në Kosovë – KQZ pranon softuerin e parë nga OSBE
Komisioni Qendror i Zgjedhjeve (KQZ) ka pranuar nga Misioni i OSBE-së në Koso...
-
Qeveria e Kosovës: Masat e BE-së të pakuptimta, duhet të hiqen menjëherë
Qeveria e Kosovës tha se mbajtja në fuqi e masave ndëshkuese ndaj Kosovës me ...
-
Në dy raste të ndara Policia sekuestron kokainë dhe heroinë, vlera e tyre mbi 153 mijë euro
Policia e Kosovës ka njoftuar se dje në dy raste të ndara ka sekuestruar hero...
-
Sindikata e Minatorëve: Punëtorët nuk u larguan nga puna si shkak i protestës
Sindikata e Pavarur e Minatorëve të Trepçës ka reaguar pas largimit nga puna ...
-
Hapet aplikimi për nominimin e tre anëtareve të Bordit të RTK-së
Transmetuesi publik në bazë të nenit 26 të Ligjit të RTK-së, ka bërë shpallje...