Takimi i 13 tetorit në Bruksel për liberalizimin e vizave, Muhaxhiri: Pritshmëritë janë pozitive dhe të bazuara në realitet
Autori: Gazeta inFokus 21:06 | 01 October 2022
Liberalizimi i vizave për Kosovën zyrtarisht pritet të diskutohet në takimin e grupit punues të Këshillit Evropian, i cili do të mblidhet më 13 tetor të këtij viti, për çfarë kësaj radhe pritshmëritë janë pozitive.
Analisti, Artan Muhaxhiri në një prononcim për Telegrafin ka thënë se kësaj radhe nga Brukseli mund të priten lajme të mira sa i përket liberalizimit të vizave.
“Përvojat e kaluara na kanë mësuar që të mos jemi shumë të entuziazmuar me indikacionet nga Brukseli, sepse ato dinë të kalojnë nga njëra skajshmëri në tjetrën. Mirëpo, kësaj radhe duket se pritshmëritë pozitive janë të bazuara në realitet”, ka thënë Muhaxhiri.
Sipas tij, aktualisht, qeveria e Çekisë është duke luajtur rol të madh konstruktiv në përshpejtimin e kësaj agjende.
“Garancitë e shumta politike, si formë e përkrahjes ndaj procesit të liberalizimit të vizave për Kosovën, si dhe zbutja e kundërshtimeve tradicionale (Franca, Holanda), na bëjnë të shpresojmë për përfundim të kësaj sage disavjeçare. Përkrahja e qartë e Gjermanisë është mundësia kryesore për neutralizimin e pengesave nga disa prej vendeve mosnjohëse në këtë udhë”, u shpreh Muhaxhiri.
Tutje theksoi se “në kontekstin e komplikuar rajonal, edhe liberalizimin eventual të vizave për kosovarët padrejtësisht do të na imponohet ta kornizojmë përbrenda dialogut për arritjen e marrëveshjes përfundimtare me Serbinë”.
Ndryshe, presidenca çeke e Bashkimit Evropian (BE) ka vendosur edhe zyrtarisht në rend dite diskutimin për liberalizimin e vizave për Kosovën.
Nga gjashtë vendet e Ballkanit Perëndimor që mbeten jashtë Bashkimit Evropës (BE), vetëm qytetarët e Kosovës nuk mund të lëvizin lirshëm në vendet evropiane, apo në atë që njihet si zona Shengen.
Ndërkaq, në qershor të vitit 2016 Komisioni Evropian pati vlerësuar se Kosova i ka përmbushur të gjitha kriteret për liberalizim të vizave, mirëpo pati vënë kusht për finalizim të procesit që të arrihej marrëveshje për ratifikimin e demarkacionit të kufirit mes Kosovës dhe Malit të Zi, dhe që të kishte rezultate në luftën kundër krimit dhe korrupsionit në Kosovë.
Më pas më 2018, Komisioni Evropian pati konstatuar se Kosova i ka përmbushur të gjitha kriteret dhe pati propozuar liberalizim.
Parlamenti Evropian e ka mbështetur këtë vendim, mirëpo disa vende skeptike si Franca dhe Holanda nuk janë pajtuar me vlerësimet e Komisionit në tërësi.
Në mesin e shqetësimeve të tyre ishte edhe ajo e rritjes së numrit të banorëve të Kosovës që do të synonin BE-në dhe keqpërdorimin e lirisë së lëvizjes për të kërkuar azil në bllokun evropian.
Raste të tilla kanë ndodhur me shtetasit e Shqipërisë, Gjeorgjisë dhe disa vendeve tjera.
Zyrtarë të BE-së besojnë se tani ekziston “moment pozitiv për liberalizimin e vizave për Kosovën”, duke shtuar se ky proces “duhet të finalizohet brenda disa muajve”.
Nëse arrihet pajtueshmëri, liberalizimi i vizave do të vlejë për bartësit e pasaportave biometrike të Kosovë.
Përveç vendeve të BE-së, qytetarët e Kosovës do të mund të lëviznin edhe në Zvicër, Norvegji, Islandë dhe Lihtenshtajn.
Të tjera
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...
-
Hamiti: LDK i fiton zgjedhjet e ardhshme
Anëtari i Kryesisë së LDK-së, Muhamet Hamiti, është shprehur optimist për rez...
-
Kritikat e Kurtit ndaj PSRK-së “ndërhyrje në drejtësi dhe shpikje për larguar vëmendjen nga dështimet”
Shoqëria civile dhe partitë opozitare po e konsiderojnë ndërhyrje në punën e ...
-
Dy veturave me targa serbe në Mitrovicë të Veriut iu vihet flaka
Zëvëndësdrejtori i Policisë së Kosovës për rajonin e Veriut, Veton Elshani, k...
-
Bajrami: Vazhdon korrupsioni, vetëm dje KRPP ka publikuar 4 kontrata njëburimore në shumë 683 mijë euro
Deputetja nga radhët e Lidhjes Demokratike të Kosovës, Hykmete Bajrami, ka th...
-
Raketat “Javelin” pritet të arrijnë në Kosovë brenda pak kohe
Ministri i Mbrojtjes, Ejup Maqedonci, thotë se raketat amerikane “Javelin”, p...
-
100 litra shi për metër katror – Jugu i Gjermanisë i rrezikuar nga përmbytjet e shekullit
100 litra shi për metër katror- Frikë nga përmbytjet në jug të Gjermanisë ...
-
Osmani kishte takuar djalin e Afrim Bunjakut dhe disa fëmijë të tjerë për nder të 1 Qershorit
Presidentja Vjosa Osmani kishte takuar disa fëmijë, përfshirë edhe djalin e h...
-
Vdes ish-komandanti i UÇK-së nga Drenasi, Zejnullah Prokshi
Komandanti i Brigadës 114 dhe bashkëluftëtari i Adem e Hamëz Jasharit e shumë...
-
Analiza e EUISS: Një sy vigjilent të mbahet në Veri, Perëndimi të angazhohet, ndryshe ka rrezik për eskalim
Instituti i Bashkimit Evropian për Studime të Sigurisë kanë publikuar një ana...
-
Gjenerali amerikan viziton Batalionin e Manovrimit në kampin e KFOR-it në “Novo Sellë”
Shefi i Stafit të misionit të KFOR-it, gjenerali amerikan Arthur J Graffer, k...
-
Reforma në Trafikun Urban, këto janë risitë që po synohen
Urban, po synohet që të unifikohet bileta e udhëtimit, blerja e autobusëve të...