Auto&Tech

Ulet numri i përdoruesve të telefonisë mobile në Kosovë

Autori: Gazeta inFokus 17:40 | 25 September 2022

Qytetarët në Kosovë shumë pak janë përdorues të telefonisë mobile.

Autoriteti Rregullativ i Komunikimeve Elektronike dhe Postare (ARKEP) në Kosovë ka publikuar raportin për tregun e komunikimeve elektronike ku shihet se ka rënie të numrit të përsoruesve të telefonisë mobile, transmeton Albinfo.ch.

“Numri total i përdoruesve të telefonisë mobile në fund të tremujorit të dytë (TM2-2022) është 1,728,014 përkatësisht për –11.00% më i ultë krahasuar me periudhën e njëjtë të vitit të kaluar (TM2-2021) . Ndërsa, krahasuar me tremujorin paraprak TM1-2022 numri i përdoruesve është –0.23% me i ultë.

-Advertisement-

Ngjashëm me numrin e përdoruesve, edhe penetrimi i shërbimeve të telefonisë mobile në periudhën raportuese ka shënuar rënie në krahasim me tremujorin paraprak, ndërsa me tremujorin e njëjtë të vitit të kaluar (TM2 2021) gjithashtu ka rënie. Penetrimi i shërbimeve të telefonisë mobile tani është në nivelin 95.18% të numrit të popullsisë”, thuhet në raportin e ARKEP-it.

Por ndryshe qëndron situata kur flitet për përdoruesit e internetit e cila ka shënuar rritje.

“Nga kjo vërehet një rritje prej 22,378 parapagues apo 6.04% në krahasim me TM1 2022, respektivisht një rritje shumë e lehtë prej 3.06 % në krahasim me periudhën TM2 2021. Ndërsa, penetrimi i internetit përmes qasjes fikse brezgjerë në internet për ekonomi familjare është 132.1%, përkatësisht penetrimi i internetit sipas banorëve (për 100 banorë) rezulton të jetë 21.62%”, thuhet tutje në raport.