Partia e Serbëve të Kosovës del kundër Listës Serbe: Nuk e përfaqësoni popullin serb
Autori: Gazeta inFokus 18:15 | 24 August 2022
Partia e Serbëve të Kosovës ka reaguar pas vendimit të katër Kuvendeve Komunale nga veriu i Kosovës në Zveçan për dalje nga institucionet e Kosovës nëse nuk arrihet një zgjidhje për targat dhe letërnjoftimet e lëshuara nga Serbia.
Në një reagim për media thuhet se veprimi i sotëm i Listës Serbe paraqet pjesën e fundit të operës tragjike me regji të presidentit të Serbisë Aleksandar Vuçiq.
“Zotërinj nga Lista Serbe, harroni se ju nuk përfaqësoni popullin serb, por vetëm ata serb të shantazhuar, të cilët duhet t’ju votojnë për të ruajtur një ekzistencë minimale për familjen e tyre. Ju po i jepni vetes të drejtën për të përcaktuar të ardhmen e pjesës së popullit tonë në Kosovë, duke i harruar me vetëdije serbët në jug të Ibrit”, thuhet në reagim.
Ndryshe, kuvendet komunale të katër komunave me shumicë serbe në veri të Kosovës sot unanimisht miratuan një deklaratë të përbërë nga gjashtë pika, përmes së cilës parashihet largimi i serbëve nga institucionet e Kosovës nëse nuk arrihet një kompromis mbi targat dhe dokumentet për hyrje-dalje.
Pika e parë nënkupton që në emër të qytetarëve të komunave veriore i ofrohet përkrahje e plotë presidentit të Serbisë, Aleksandar Vuçiq, që në afat prej shtatë ditësh, përmes dialogut të gjejë një kompromis të qëndrueshëm dhe afatgjatë rreth targave dhe letërnjoftimeve, gjithnjë në interes të qytetarëve dhe në pajtim me paqen dhe stabilitetin.
E dyta, që urgjentisht të formohet asociacioni i komunave serbe sipas marrëveshjes së Brukselit të vitit 2013 dhe 2015. Pika tre sipas kësaj deklarate, fton KFOR-in dhe bashkësinë ndërkombëtare që të sigurojë paqen dhe sigurinë për të gjithë qytetarët.
Në pikën katër ftohen qytetarët të mos bien pre e vendimeve “të njëanshme” dhe oferta e Albin Kurtit. Në pikën pesë thuhet se përfaqësuesit politikë të serbëve të veriut do të jenë gjithmonë pranë qytetarëve të tyre duke luftuar për paqe dhe jetë të dinjitetshme për ta.
Pika e fundit potencon se në rast të mos arritjes së një zgjidhjeje, të gjithë përfaqësuesit politikë së bashku me bashkëqytetarët e tyre do të fillojnë procesin e braktisjes së institucioneve të Kosovës në të gjitha nivelet, duke përfshirë këtu institucionet qendrore dhe lokale deri te gjykatat, prokuroritë, policia etj.
Të tjera
-
Tahiri: Kurti nuk heqë dorë nga privilegjet dhe xhipat e zi
Shefi i Grupit Parlamentar të AAK’së, Besnik Tahiri, ka thënë se kryeministri...
-
Fluks automjetesh te Dheu i Bardhë
Fluks automjetesh është parë të dielën në pikën kufitare Dheu i Bardhë. Nd...
-
Voton Ardita Sinani: Dilni të votoni, sot vendoset për 4 vitet që i kemi përpara
Kandidatja për kryetare të Preshevës, Ardita Sinani, ka shfrytëzuar të drejtë...
-
Kurti në Stamboll takoi afaristë shqiptarë që veprojnë në Turqi, i fton të investojnë në Kosovë
Gjatë qëndrimit në Turqi, përkatësisht në Stamboll, Kryeministri i Republikës...
-
Arifi: Qytetarët të dalin në zgjedhje dhe ta votojnë më të mirin
Kryetari aktual i Komunës së Bujanocit, kryetari i Partisë Demokratike, Nagip...
-
Mbi 2 milionë kosovarë vizituan Selanikun pas liberalizimit të vizave
Pas liberalizimit të vizave në Kosovë, numri i turistëve që kanë vizituar qyt...
-
Niset grupi i parë i besimtarëve për në Haxh
Sot është nisur një grup prej 215 besimtarëve islam drejt vendeve të shenjta ...
-
Deputeti i VV-së: Në zgjedhjet e radhës Vetëvendosja dhe GUXO do të thyejnë rekordin e votave
Nga mazhoranca po thonë se ‘përplasja’ e Konjufcës dhe Osmanit do t’i kontrib...
-
Pamje nga aksioni ku u konfiskuan 33 kilogramë ari
Shtatë argjendari janë kontrolluar gjatë ditës së djeshme në rajonin e Gjilan...
-
Vdes ish-ushtari i UÇK-së nga Drenasi, ishte plagosur në Pashtrik gjatë kalimit të kufirit me Shqipërinë
Ka ndërruar jetë, ish-ushtari i UÇK-së, Milazim Syla nga fshati Kishnarekë e...
-
Osmani në takim me presidentin e El Salvadorit: Vendet tona kanë potencial të madh për bashkëpunim
Presidentja e Kosovës, Vjosa Osmani, është takuar me presidentin e El Salvado...
-
Ndalohet një tentim kontrabande me pije alkoolike nga Serbia
Dogana e Kosovës ka njoftuar se janë zbuluar dy rastet të kundërvajtjeve doga...