Petkoviç shpalos një detaj të takimit Kurti-Vuçiç
Autori: Gazeta inFokus 10:36 | 19 August 2022
Për takimin e Nivelit të Lartë në Bruksel mes krerëve të Kosovës dhe Serbisë nuk u tha shumë, përveç se ai “nuk ishte normal, nuk ishte i rregullt, ishte i vështirë, palët s’mund të përafroheshin, nuk pati marrëveshje, etj”, siç tregoi edhe vetë shefi i diplomacisë evropiane, Josep Borrell.
Megjithëkëtë, kryenegociatori i palës serbe, Petar Petkoviç, i cili rëndom platformën sociale Twitter e shfrytëzon për të goditur kundërshtarët politikë, përveç se të propagandojë kundër shtetit të Kosovës, shpalosi një detaj brenda takimit.
Kësaj here, cak i sulmit të tij, ishte ish-kryediplomati serb, Vuk Jeremiç.
“Albin Kurti të ka lavdëruar e të ka çuar në qiell për vendimin e Gjykatës Ndërkombëtare në Hagë. Këtë mund të ta konfirmojnë të gjithë ata që ishin prezentë në takim”, i shkroi Petkoviç në një reagim Jeremiçit.
Kujtojmë se Jeremiç sa shërbente si ministër i jashtëm serb në kohën e shpalljes së pavarësisë së Kosovës kishte kërkuar opinion sqarues nga Gjykata Ndërkombëtare e Drejtësisë në lidhje me ligjshmërinë e pavarësisë së Kosovës.
Përgjigja e GJND-së kishte qenë pozitive dhe definitive. Kosova dhe pavarësia e saj janë në plotëni në pajtim me ligjin ndërkombëtar, kishte konstatuar organi më i lartë i interpretimit të ligjit ndërkombëtar.
Partia Përparimtare Serbe që udhëhiqet nga Aleksandër Vuçiç, vartës e militant i flaktë i të cilës është edhe vetë Petkoviç, lajtmotiv të betejës politike të brendshme me ish-pushtetarët serbë, e në këtë rast me Jeremiç-in, e kanë gjoja se “ata kanë dorëzuar Kosovën”.
Jeremiç iu kundërpërgjigj Petkoviçit, por duke mos thënë shumë. “Ju, zoti Petkoviç, përnjëmend jeni soj i veçantë”, u shpreh ai ironikisht.
Takimi i djeshëm trepalësh nuk solli fryte konkrete, por burime të Radios Evropa e Lirë thanë se ndonëse takimi ishte i vështirë, ishte më i miri që kishte ndodhur deri më tani mes Kurtit dhe Vuçiç, ku palët diskutuan më në detaje se ndonjëherë rreth arritjes së një marrëveshje.
Madje, siç thanë burime diplomatike të REL-së që nuk pranuar të identifikohen me emër, liderët u pajtuan që të takohen një herë në muaj, që përbën progres në qasje të dialogut nga ngërçi i madh për një kohë të gjatë.
Takimi në Bruksel erdhi pas tensioneve të mëdha rreth dy vendimeve të reja të qeverisë së Kosovës për reciprocitet për letra të udhëtimit si dhe ndalimin e targave ilegale të lëshuara nga MPB-ja serbe për veturat e serbëve në Kosovë.
Beogradi instrumentalizoi rezistencë lokale të serbëve të Veriut duke barrikaduar dhe pamundësuar lëvizjen e lirë të njerëzve e mallrave.
Të tjera
-
Mbrojtja propozon të kryhet ekspertizë e re psikiatrike ndaj të akuzuarit për vrạsjen e vëllait
Në seancën e së premtes në Gjykatën Themelore në Mitrovicë, mbrojtësja e të a...
-
Sarrazin i kërkon Qeverisë t’i heq masat ndaj mallrave serbe, flet për pasoja të rënda në rast të refuzimit
Manuel Sarrazin, emisar i Gjermanisë për Ballkanin Perëndimor ka bërë një ana...
-
Gjermania hap dyert për 250 mijë emigrantë të këtij vendi
Gjermania do të hapë dyert për 250 mijë punëtorë kenianë të kualifikuar dhe g...
-
“Qëllimi jonë është Islamizimi i Kosovës e Preshevës. Unë nuk jam shqiptar”, hoxha nga Sanxhaku me deklaratë të rrezikshme
Një hoxhë nga Sanxhaku, që flet shqip ka mbajtur sot një tubim në Luginën e P...
-
Lista preliminare e provimit për prokurorë të shtetit
Këshilli Prokurorial i Kosovës shpall listën preliminare të provimit të kandi...
-
REL: Kosova dhe Serbia kanë konfirmuar pjesëmarrjen në takimin e 17 shtatorit
Burimet e Radios Evropa e Lirë në Bashkimin Evropian kanë thënë se presin që ...
-
Ra nga kati i tretë i objektit ku punonte, vdes 48 vjeçari në Prizren
Një person ka vdekur sot në vendin e tij të punës. Rasti ka ndodhur në Pri...
-
Parlamentari serb: Vuçiq shpalli kapitullimin në Kosovë
Deputeti opozitar në Parlamentin e Serbisë, Zdravko Ponosh, ka reaguar pas ko...
-
Haziri pas konferencës së Vuçiqit: Kosova mos të bie në hendekun e Serbisë
Nënkryetari i LDK-së, Lutfi Haziri, ka reaguar pas konferencës që mbajti pres...
-
Incidenti në veri, kthehen afishet, tash pro-Radoiçiqit
Sikur fotografia, me kujdes janë zgjedhur edhe fjalët. Kryeterroristit Mil...
-
Kurti me videolidhje pjesë e panelit ku ishte edhe Lajçak – akuza Vuçiqit se e përdor Kosovën dhe Bosnjën për të siguruar lëshime nga Perëndimi
Gjatë paradites së 13 shtatorit, kryeministri i Kosovës, Albin Kurti, me vide...
-
Përkundër që ndau rrugët me Vetëvendosjen, Fatmir Humolli përkrah qeverisë për veriun
Deputeti Fatmir Humolli ka një kohë që i ka ndarë rrugët me Lëvizjes Vetëvend...