Sport

Ten Hag, holandezi përjashtoi futbollistin e United pas

Autori: Gazeta inFokus 13:57 | 25 July 2022

Erik ten Hag e ka nisur me “dorë të hekurt” aventurën e tij me Manchester United. Tekniku holandez ka marrë përsipër një mision të vështirë si ai për të rikthyer “Djajtë e Kuq” te trofetë në Angli e jo vetëm. Për të përmbushur objektivin, ten Hag është detyruar të aplikojë rregulla strikte në organikën e futbollistëve duke mos toleruar asnjë shkelje nga yjet e skuadrës teksa një nga pikat më kryesore në listën e trajnerit është korrektësia në oraret e stërvitjes apo mbledhjes së skuadrës.

Pikërisht, këtë të fundit, një nga lojtarët e anglezëve nuk e ka zbatuar dhe trajneri holandez menjëherë e ka ndëshkuar. Në fakt, emri i futbollistit nuk bëhet i ditur, por sipas mediave britanike, ten Hag e ka përjashtuar lojtarin nga një miqësore e parashikuar në fazën përgatitore si për t’i bërë të qartë se nuk toleron asnjë. Së fundmi, ten Hag thekson se nëse lojtarët nuk janë të disiplinuar jashtë fushës, atëherë edhe në lojë nuk do të jenë të tillë.

“kur kërkon të marrësh rezultate, atëherë të duhet një skuadër. Të duhet organizim, bashkëpunim dhe disiplinë. Kur nuk ka disiplinë në ambientin e jashtëm përreth skuadrës, atëherë nuk do të ketë disiplinë edhe gjatë ndeshjeve. Unë nuk toleroj në situata të tilla, ia kam bërë të qartë lojtarëve se kam standarte të larta pasi bëhet fjalë për Manchester United. Duhet impenjim në çdo ditë, mendoj se deri më tani lojtarët po përgjigjen mirë dhe jam i kënaqur”, u shpreh ten Hag. Metodat e ish-trajnerit të Ajax janë mbështetur edhe nga lojtarët kryesorë të skuadrës si David De Gea e Bruno Fernandes.

-Advertisement-

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

sport