Lajme

Arrestohet një 25 vjeçar në Ferizaj, ishte në kërkim nga policia

Autori: Gazeta inFokus 09:44 | 07 July 2022

Policia e Kosovës ka arrestuar një 25 vjeçar i cili ishte në kërkim, shkruan Gazeta Infokus.

Sipas policisë, ai ishte i kërkuar në bazë të urdhëresës së Gjykatës Themelore në Ferizaj , për veprën penale ‘’Sulmi’’, me dënim burgimi prej dhjetë (10) ditëve.

“Policët nga stacioni policor në Ferizaj , sot në orët e hershme të mëngjesit , në ora 01:10, në rrugën ‘’12 Qershori’’ në Ferizaj, kanë ndaluar një automjet të udhëtarëve me targa vendore dhe gjatë kontrollimit të automjetit dhe verifikimit të personave, është ndalur një person me inicialet G.H (M/K), 25 vjeçar, i cili ishte në kërkim. Ai ishte i kërkuar në bazë të urdhëresës së Gjykatës Themelore në Ferizaj , për veprën penale ‘’Sulmi’’, me dënim burgimi prej dhjetë (10) ditëve, i cili më pas është shoqëruar në stacionin policor në Ferizaj dhe pas kompletimit të dokumentacionit është dërguar në vuajtje të dënimit”, thuhet në njoftimin e Policisë së Kosovës.

-Advertisement-

Po ashtu në këtë njoftim kanë treguar se Policia Rajonale e Ferizajt , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës./Gazeta Infokus/