Këshilli i Sigurisë Kombëtare i Serbisë mblidhet shkaku i Kosovës
Autori: Gazeta inFokus 11:22 | 13 May 2022
Këshilli i Sigurisë Kombëtare i Serbisë mblidhet të premten në Beograd – një ditë pasi Kosova aplikoi për anëtarësim në Këshillin e Evropës.
Takimi, i thirrur nga presidenti serb, Aleksandar Vuçiq, pritet të nisë nga ora 11:00.
Këshilli i Sigurisë Kombëtare tubon përfaqësuesit më të lartë të sektorit të mbrojtjes dhe të sigurisë në Serbi dhe kryesohet nga kreu i shtetit.
Në rend të ditës së seancës është aplikimi i Kosovës për anëtarësim në Këshillin e Evropës.
Autoritetet e Kosovës konfirmuan të enjten se kanë aplikuar zyrtarisht për anëtarësim në këtë organizatë, e cila merret me të drejtat e njeriut, demokracinë dhe sundimin e ligjit në Evropë.
Ministrja e Punëve të Jashtme e Kosovës, Donika Gërvalla, tha pas dorëzimit të aplikacionit për anëtarësim se Prishtina zyrtare po hap një kapitull të ri.
Ndërkaq, kryeministri i Kosovës, Albin Kurti, ka thënë se anëtarësimi në Këshillin e Evropës është mundësi për Kosovën që të përparojë edhe më shumë në fushën e të drejtave të njeriut, demokracisë dhe sundimit të ligjit.
“Kosova është vendi më demokratik në Ballkanin Perëndimor, ku të drejtat dhe liritë e njeriut janë të garantuara me Kushtetutë dhe ligj. Liria e shprehjes dhe medias çdo herë e më shumë po shënon përmirësim. Luftimi i korrupsionit është i pakompromis. Reforma në sundimin e ligjit, prioritet”, ka deklaruar Kurti.
Kosova ka shpallur pavarësinë nga Serbia në vitin 2008, por ende nuk është anëtarësuar në disa organizata të rëndësishme ndërkombëtare.
Përveç që nuk është anëtare e Bashkimit Evropian, Kosova nuk është as anëtare e Organizatës Botërore të Tregtisë, Organizatës Ndërkombëtare të Policisë Kriminale (INTERPOL) dhe të tjera.
Ku është e ku s’është Kosova anëtare?
Kosova më 12 maj ka aplikuar për anëtarësim në Këshillin e Evropës. Deri tash ajo është bërë anëtare e disa organizatave ndërkombëtare, përfshirë edhe ato më të rëndësishme financiare dhe sportive.
Serbia, gjatë gjithë kohës, ka bërë fushatë aktive për tërheqjen e njohjeve së pavarësisë së Kosovës dhe për bllokimin e anëtarësimit të saj në organizatat ndërkombëtare. Aleate kryesore e Serbisë në këto përpjekje është Rusia.
Rusia është përjashtuar nga Këshilli i Evropës më 16 mars të këtij viti, për shkak të agresionit që ka filluar në Ukrainë, më 24 shkurt.
Pa Rusinë, dy të tretat e shteteve anëtare të Këshillit të Evropës e njohin pavarësinë e Kosovës.
Marrë parasysh se vendimet merren me shumicën e votave të shteteve anëtare, mundësia e anëtarësimit të Kosovës në Këshillin e Evropës është reale.
Në reagimin e tij ndaj vendimit të Kosovës për aplikim, Vuçiq u tha gazetarëve në Beograd se Serbia “do të bëjë më të mirën, për të treguar se mund të luftojë”.
“Kjo ka efekt shtesë në marrëdhëniet në rajon. Kujt i nevojitet dhe kush e ka bindur Prishtinën që ta ndërmarrë këtë iniciativë? Përgjigjja jonë duhet të jetë e zgjuar dhe paqësore, për të ruajtur stabilitetin”, tha Vuçiq.
Ai shtoi se “këtë lojë e udhëheqin vendet kryesore perëndimore” dhe se Serbia është “një vend i vogël liridashës, që ruan sovranitetin e saj dhe të drejtën për të vendosur”.
“Ne do të përpiqemi t’i kundërshtojmë ata në mënyrë paqësore dhe diplomatike për këtë çështje”, tha Vuçiq.
Ministri i Brendshëm i Serbisë për neutralitet politik
Ministri i Brendshëm i Serbisë, Aleksandar Vulin, tha se nëse Kosova arrin të anëtarësohet në Këshill të Evropës, Serbia duhet të shpallë edhe neutralitet politik, njësoj siç e ka neutralitetin ushtarak.
Serbia, e cila synon të bëhet anëtare e Bashkimit Evropian, ndjek politikën e mosangazhimit në asnjë aleancë ushtarake.
Megjithatë, autoritetet në Serbi bashkëpunojnë si me NATO-n, ashtu edhe me Organizatën e Traktatit të Sigurisë Kolektive, e cila ka bazën në Rusi.
“Se çfarë mendojnë realisht vendet anëtare të BE-së për Serbinë, do të tregojë vota e tyre për kërkesën e Prishtinës për anëtarësimin e saj në Këshillin e Evropës. Ne nuk duhet të presim edhe njëzet vjet për të ditur nëse BE-ja e do Serbinë në radhët e saj. Do të mjaftojë të votojnë ose të mos votojnë pranimin e territorit në organizatën e përbërë nga shtetet”, tha Vulin./REL
Të tjera
-
PDK: Kuvendi sa më parë të shpërndahet dhe vendi të shkojë në zgjedhje
Shefi i grupit parlamentar të PDK-së, Abelard Tahiri në seancën e sotme të Ku...
-
Zhvilluan gara në autostradë dhe goditën për vde kje tre persona, aktakuzë ndaj dy të dyshuarve në Prizren
Prokuroria Themelore në Prizren, Departamenti i Krimeve të Rënda, ka ngritur ...
-
Hapet thirrja për praktikë me pagesë në Agjencinë e Punësimit, Ministria tregon kriteret
Ministria e Financave, Punës dhe Transfereve, ka njoftuar se është hapur thir...
-
Zhvillime në rastin e vra*jes së Liridona Ademajt, lirohet njëri nga të dyshuarit
Gjykata Themelore e Prishtinës, ua ka vazhduar edhe për dy muaj paraburgimin,...
-
Gërvalla takon homologun estonez, flasin për situatën e sigurisë në Evropë dhe Ballkanin Perëndimor
Ministrja e Punëve të Jashtme dhe Diasporës, Donika Gërvalla është takuar me ...
-
Deliu-Kodra: Ilaz Kodra ishte sinonim i shpirtit liridashës
Komandanti i Ushtrisë Çlirimtare të Kosovës Ilaz Kodra, ra në altarin e liris...
-
Haziri: Krerët shtetëror duhet ta bëjnë të qartë se çfarë obligimesh kanë marrë pas letrës së dërguar për anëtarësim
Ish-negociatori për dialogun Kosovë-Serbi, Lutfi Haziri ka kërkuar sqarim nga...
-
Bislimi: Reformat do të na ndihmojnë në avancimin tonë drejt integrimit në BE
Zëvendëskryeministri i Kosovës, Besnik Bislimi, ka shpalosur disa nga masat n...
-
Glauk Konjufca: Ilaz Kodra, ndër figurat më emblematike të UÇK-së, pjesë e bërthamës themeluese të saj
Kryetari i Kuvendit të Kosovës, Glauk Konjufca, në seancën solemne në nderim ...
-
Osmani: Ilaz Kodra ishte dora e djathtë i komandantit legjendar Adem Jashari
Sot Kuvendi i Kosovës ka mbajtur seancë solemne në nderim të komandantin të U...
-
Reagimi i DASH-it, Kandiq: Edhe Zoti ka çuar duart nga Serbia
Aktivistja serbe për të drejtat e njeriut, Natasha Kandiq, ka reaguar pasi De...
-
Seancë në kujtim nderim të Ilaz Kodrës, mbahet një minutë heshtje në Kuvend
Me intonimin e himnit të Kosovës dhe atij kombëtar ka nisur seanca e sotme e ...