Alarmohen institucionet, numër i madh i incidenteve po ndodhin nëpër shkolla
Autori: Samire Jaha 10:50 | 18 April 2022
Çdo ditë e më shumë siguria e nxënësve në shkolla po është më e vogël, shkruan Gazeta Infokus.
Kjo pasi që incidente të ndryshme po ndodhin mjaft shumë nëpër to.
Rrahjet mes nxënësve, përdorimi i substancave narkotike, e vjedhje janë shpeshtuar.
Vetëm brenda vitit 2021 kanë ndodhur gjithsej 413 incidente të ndryshme në të gjitha nivelet shkollore.
Të dhënat për Gazetën Infokus i ka bërë të ditura Policia e Kosovës.
Në përgjigjen e tyre thuhet se nga këto raste më të shpeshta kanë qenë lëndimet e lehtë trupor, dëmtim prone, si dhe vjedhje.
E për të parandaluar këto raste, Policia e Kosovës ka bërë me dije se në fillim të çdo viti shkollor harton dhe aktivizon Plane Operative me qëllim të parandalimit të dukurive negative në shkolla si dhe në ngritjen e nivelit të sigurisë.
“Policia e Kosovës në fillim të çdo viti shkollor harton dhe aktivizon Plane Operative me qëllim të parandalimit të dukurive negative në shkolla dhe ngritjes së nivelit të sigurisë. Po ashtu edhe nga Drejtoria e Policimit ne Bashkësi dhe Preventive në vazhdimësi realizohen projekte të ndryshme sensibilizuese dhe parandaluese në shkolla”, thuhet në përgjigjet për Infokus.
Përkundër kësaj, raste të incidenteve kanë ndodhur edhe në fillim të këtij viti.
E numri i tyre që kanë ndodhur nga 7 marsi deri më 3 prill është tejet i madh.
“53 incidente në hapësirat e shkollave dhe afër tyre, 79 intervenime policore, 20 persona të lënduar, 69 të dyshuar të arrestuar, 32 armë (armë të ftohta dhe mjete tjerë të ndaluara) të konfiskuara dhe 1860 takime të realizuara me përfaqësues të shkollave”, thuhet në përgjigjen e policisë për Gazetën Infokus.
Më qëllim që këto incidente të pakësohen, Policia e Kosovës ka vënë në zbatim një urdhër operativ, “Siguria në Shkolla & Stop drogave në shkolla”.
Sipas policisë qëllimet kryesore që policia synon t’i arrijë me hartimin dhe zbatimin e këtij urdhri, janë krijimi i një ambienti më të sigurt për nxënësit dhe për të gjithë personelin arsimor në shkolla.
“Qëllimet kryesore që policia synon t’i arrijë me hartimin dhe zbatimin e këtij urdhri, ndër të tjera janë edhe: krijimi i një klime më të sigurt për nxënësit, personelin arsimor në të gjitha nivelet arsimore, bashkërendimi i aktiviteteve ndër-institucionale, parandalimi dhe zvogëlimi i incidenteve në shkolla dhe objekte e rrethinë afër shkollave, parandalimi, identifikimi, arrestimi i shpërndarësve të narkotikëve, identifikimi dhe marrja e masave ndaj personave që nuk janë nxënës, e që sillen afër shkollave dhe në hapësira të shkollave, hetimi dhe zbulimi i veprave penale që kryhen në këto hapësira, siguria në trafik afër shkollave etj.”, thuhet në përgjigjet e tyre.
Me këtë urdhër koordinohen aktivitet mes njësiteve policore të stacioneve policore, hetuesve policorë dhe zyrtarëve që merren me hetimin e trafikimit me narkotik e zyrtarëve policorë në rroba civile.
“Po ashtu, aktivitetet policore do të jenë në bashkëveprim e koordinim me menaxher të shkollave, Drejtoritë Komunale të Arsimit, Këshillat e Prindërve etj”, thuhet tutje në përgjigjen e policisë.
Edhe Ministrja e Arsimit Shkencës Teknologjisë dhe Inovacionit, Arbërie Nagavci, ka deklaruar se brenda vitit 2021 kanë ndodhur numër i madh i incidenteve nëpër shkolla.
Për këtë ajo ka raportuar edhe në Komisionin për të Drejtat të Njeriut.
“Raportimi i rasteve të dhunës ende nuk është në nivelin e duhur dhe dhuna fatkeqësisht vazhdon të jetë problem në shoqëri. Akoma ekziston tendenca që të fshihen rastet e tilla me frikën me frikën që reduktimi i rasteve do të bëjë përshkrimin se shkollat nuk janë aq të mira”, kishte deklaruar Nagavci./Gazeta Infokus/
Të tjera
-
Pamje nga aksioni ku u konfiskuan 33 kilogramë ari
Shtatë argjendari janë kontrolluar gjatë ditës së djeshme në rajonin e Gjilan...
-
Vdes ish-ushtari i UÇK-së nga Drenasi, ishte plagosur në Pashtrik gjatë kalimit të kufirit me Shqipërinë
Ka ndërruar jetë, ish-ushtari i UÇK-së, Milazim Syla nga fshati Kishnarekë e...
-
Osmani në takim me presidentin e El Salvadorit: Vendet tona kanë potencial të madh për bashkëpunim
Presidentja e Kosovës, Vjosa Osmani, është takuar me presidentin e El Salvado...
-
Ndalohet një tentim kontrabande me pije alkoolike nga Serbia
Dogana e Kosovës ka njoftuar se janë zbuluar dy rastet të kundërvajtjeve doga...
-
Dogana publikon fotografi të arit të sekuestruar në argjendaritë e rajonit të Gjilanit
Dogana e Kosovës ka publikuar pamje të arit që është sekuestruar në disa argj...
-
Roth: Shqetësuese lidhjet e ngushta të disa politikanëve malazezë me Vuçiqin – Kisha Ortodose Serbe kanal i ndikimit rus
Michael Roth, Kryetar i Komitetit për Politikë të Jashtme i Bundestagut dhe i...
-
Policia jep detaje për grabitjen në Vushtrri, i arrestuari është 19 vjeç
Policia e Kosovës ka dalë me njoftim të ri për grabitjen në Stanoc të Epërm t...
-
Optimizëm për bashkëpunimin bujqësor Kinë – BE
Eurokomisioneri për Bujqësinë, Janusz Wojciechowski, ka folur shumë për arrit...
-
Ivica Daçiq thotë se i arrestuari në Merdare është Tefik Mustafa, reagon Zyra Ndërlidhëse e Kosovës
Në Serbi është arrestuar një kosovar nën dyshimin për “krime lufte”. Për këtë...
-
Gërvalla për mediumin kanadez: Serbia nuk duhet të ketë vend në NATO dhe BE
Ministrja e Punëve të Jashtme, Donika Gërvalla është shprehur se nuk duhet të...
-
Serbia thotë se e ka arrestuar një kosovar në Merdare
Autoritetet serbe njoftuan të shtunën se e kanë arrestuar një kosovar në pikë...
-
Lutfi Haziri me mesazh për shqiptarët e Kosovës Lindore: Dilni në mënyrë massive në zgjedhje
Nënkryetari i Lidhjes Demokratike të Kosovës, Lutfi Haziri ka bërë thirrje q...